പട്ടാമ്പി ഭാരതപ്പുഴയിൽ യുവാവിന്റെ മൃതദേഹം കണ്ടെത്തി

പട്ടാമ്പി: പട്ടാമ്പി പാലത്തിന് സമീപം ഭാരതപ്പുഴയിൽ യുവാവിന്റെ മൃതദേഹം കണ്ടെത്തി. തിങ്കളാഴ്ച ഉച്ചയോടെ നാട്ടുകാരാണ് മൃതദേഹം പുഴയിൽ പൊങ്ങിക്കിടക്കുന്ന നിലയിൽ ആദ്യം കണ്ടത് . തുടർന്ന് പട്ടാമ്പി പോലീസിൽ വിവരമറിയിക്കുകയും പോലീസും ഫയർഫോഴ്‌സും സ്ഥലത്തെത്തി മൃതദേഹം കരയ്ക്കെത്തിക്കുകയും ചെയ്യ്തു .മൃതദേഹം ഏകദേശം 45 മുതൽ 55 വയസ്സ് വരെയുള്ള പ്രായമുള്ള ആളുടേതാണെന്ന് പ്രാഥമിക നിഗമനം. ശരീരത്തിൽ വലിയ പരിക്കുകളുടെ ലക്ഷണങ്ങൾ കണ്ടെത്തിയിട്ടില്ലെന്നതാണ് സൂചന. എന്നാൽ മരണകാരണം വ്യക്തമായിട്ടില്ല. മൃതദേഹത്തിൽ നിന്ന് ലഭിച്ച വോട്ടർ സ്ലിപ് പ്രകാരം കർണാടക മടിക്കെരി സ്വദേശി സുരേന്ദ്രന്റെ മകൻ രാമനാകാമെന്ന സംശയത്തിലാണ് പോലീസ്. ഇൻക്വസ്റ്റ് നടപടികൾക്ക് ശേഷം മൃതദേഹം പോസ്റ്റ്മോർട്ടത്തിനായി മാറ്റി.അസ്വാഭാവിക മരണമായി കേസെടുത്ത പോലീസ് അന്വേഷണം തുടരുകയാണ്.