ചങ്ങരംകുളം മേഖല മെക് 7 ഹെൽത്ത് ക്ലബ് വാർഷികാഘോഷം സംഘടിപ്പിച്ചു​

ചങ്ങരംകുളം: ആരോഗ്യ സംരക്ഷണ രംഗത്ത് വിപ്ലവകരമായ മാറ്റങ്ങൾ ലക്ഷ്യമിട്ട് പ്രവർത്തിക്കുന്ന മെക് 7 (Mec 7) ഹെൽത്ത് ക്ലബ് ചങ്ങരംകുളം മേഖലയുടെ ഒന്നാം വാർഷികാഘോഷം ‘മെഗാ സംഗമം’ വിപുലമായ പരിപാടികളോടെ സംഘടിപ്പിച്ചു. വളയകുളം എം.വി.എം റെസിഡൻഷ്യൽ ഹയർ സെക്കണ്ടറി സ്കൂളിൽ നടന്ന ചടങ്ങിൽ എഴുന്നുറോളം ആരോഗ്യപ്രേമികൾ പങ്കെടുത്തു.​ചങ്ങരംകുളം പോലീസ് സ്റ്റേഷൻ സബ് ഇൻസ്‌പെക്ടർ നസിയ എം സാഹിബ് ഉദ്ഘാടനം ചെയ്ത പരിപാടിയിൽ നിഷാദ് യൂസഫ് സ്വാഗതം പറഞ്ഞു. അബ്ദു കിഴിക്കര അദ്യക്ഷനായി.റാഫിദ ഖാലിദ് നന്ദി പ്രകാശിപ്പിച്ചു.​മെക് 7 സ്ഥാപകൻ ഡോ. സലാഹുദ്ദീൻ മുഖ്യപ്രഭാഷണം നടത്തി. ബ്രാൻഡ് അംബാസഡർ അറക്കൽ ബാവ മുഖ്യാതിഥിയായി. ചടങ്ങിൽ നന്ന മ്മുക്ക് ഗ്രാമപഞ്ചായത്ത് പ്രസിഡന്റ് ശാന്തിനി രവീന്ദ്രൻ, ആലങ്കോട് ഗ്രാമപഞ്ചായത്ത് പ്രസിഡന്റ് ആസിയ ഇബ്രാഹിം, റിട്ടയേർഡ് ഡെപ്യൂട്ടി കളക്ടർ പി.പി.എം അഷ്റഫ്, എം.വി.എം സ്കൂൾ പ്രസിഡന്റ് കുഞ്ഞിമുഹമ്മദ് പന്താവൂർ, മെക് 7 ചീഫ് ട്രെയിനർ ജിതേഷ് എന്നിവർ വിശിഷ്ടാതിഥികളായി സംബന്ധിച്ചു.​വാർഷികത്തോടനുബന്ധിച്ച് പ്രത്യേക വ്യായാമ പരിശീലനം സംഘടിപ്പിച്ചു. ചങ്ങരംകുളം മേഖലയിൽ നിലവിൽ പുരുഷന്മാർക്കും സ്ത്രീകൾക്കുമായി പ്രത്യേകം 13 സെന്ററുകൾ പ്രവർത്തിക്കുന്നുണ്ടെന്ന് പ്രോഗ്രാം കൺവീനർ ജബ്ബാർ ആലങ്കോട് പറഞ്ഞു.