അമ്പലവയൽ നെല്ലാറച്ചാലിൽ വൃദ്ധദമ്പതിമാർ ജീവനൊടുക്കിയ നിലയില്‍

അമ്പലവയൽ :നെല്ലാറച്ചാലിൽ വൃദ്ധദമ്പതിമാർ ജീവനൊടുക്കി. പൂളക്കവല വാലിപ്പറമ്പിൽ സുധാകരൻ (80), ഭാര്യ അമ്മിണി (75) എന്നിവരെയാണ് തൂങ്ങിമരിച്ച നിലയിൽ കണ്ടെത്തിയത്. തിങ്കളാഴ്ച ഉച്ചയോടെയാണ് സംഭവം. അമ്മിണിയെ വീടിനുപുറകുവശത്തെ ചായ്പിലും സുധാകരനെ വീട്ടുമുറ്റത്തെ മാവിലുമാണ് തൂങ്ങിയനിലയിൽ കണ്ടത്. വാർധക്യസഹജമായ രോഗങ്ങൾ അലട്ടിയിരുന്ന ഇരുവരും ജീവനൊടുക്കുകയായിരുന്നുവെന്നാണ് പ്രാഥമികനിഗമനം. മൃതദേഹങ്ങൾ പോസ്റ്റുമോർട്ടത്തിനായി ബത്തേരി താലൂക്കാശുപത്രിയിലേക്ക് കൊണ്ടുപോയി. സംസ്കാരം ചൊവ്വാഴ്ച നടക്കും. മക്കൾ: സുനിൽകുമാർ, ബീന, ലീന. മരുമക്കൾ: ഗീത, പ്രേമൻ, പരേതനായ മോഹനൻ