പൊന്നാനി തിരിച്ച് പിടിക്കാനൊരുങ്ങി യുഡിഎഫ് ‘കെ പി നൗഷാദ് അലി നാമനിർദ്ദേശപത്രിക സമർപ്പിച്ചു

പൊന്നാനി: ഐക്യ ജനാധിപത്യ മുന്നണി (യുഡിഎഫ്) സ്ഥാനാർത്ഥിയായ കെ.പി. നൗഷാദ് അലി പൊന്നാനി നിയമസഭ മണ്ഡലത്തിൽ നാമനിർദ്ദേശപത്രിക സമർപ്പിച്ചു. ഫിഷറീസ് ഡെപ്യൂട്ടി ഡയറക്ടറും റിട്ടേണിംഗ് ഓഫീസറുമായ കെ.ബി. രമേശിന് മുൻപാകെ തിങ്കളാഴ്ച രാവിലെ 11 മണിയോടെയാണ് പത്രിക സമർപ്പിച്ചത്.മണ്ഡലത്തിലെ വിവിധ ഭാഗങ്ങളിൽ നിന്ന് എത്തിയ പ്രവർത്തകരും നേതാക്കളും അണിനിരന്ന പ്രകടനത്തോടെയാണ് സ്ഥാനാർത്ഥി എത്തിയത്.സംസ്ഥാനത്ത് ശക്തമായ യുഡിഎഫ് അനുകൂല തരംഗം നിലനിൽക്കുന്നതായി ചൂണ്ടിക്കാട്ടിയ നേതാക്കൾ,പൊന്നാനിയിലും ഇത്തവണ മുന്നണി വൻ വിജയം നേടുമെന്ന ആത്മവിശ്വാസം പ്രകടിപ്പിച്ചു.മണ്ഡലത്തിലെ വികസന മുരടിപ്പിന് മാറ്റം വരുത്താൻ യുഡിഎഫ് നേതൃത്വത്തിന് സാധിക്കുമെന്നുമവർ വ്യക്തമാക്കി.യുഡിഎഫ് മലപ്പുറം ജില്ലാ കൺവീനർ അഷ്റഫ് കോക്കൂർ, യുഡിഎഫ് മണ്ഡലം ചെയർമാൻ പി.പി.യൂസഫലി,മണ്ഡലം കൺവീനർ ഷംസു കല്ലാട്ടേൽ, മുൻ എംപി സി. ഹരിദാസ്, പൊന്നാനി അർബൻ ബാങ്ക് ചെയർമാൻ എം.വി. ശ്രീധരൻ മാസ്റ്റർ എന്നിവർ സ്ഥാനാർത്ഥിയോടൊപ്പം ഉണ്ടായിരുന്നു.