ചങ്ങരംകുളം: ഫ്രണ്ട്സ് മൂക്കുതലയുടെ ആഭിമുഖ്യത്തിൽ ആരംഭിച്ച മെഡിക്കൽ ഉപകരണ ബാങ്കിന്റെ ഉദ്ഘാടനവും, ‘മൂക്കുതല എന്റെ ഗ്രാമം’ വാട്സാപ്പ് കൂട്ടായ്മ നൽകിയ മൊബൈൽ ഫ്രീസറിന്റെ സമർപ്പണവും മൂക്കുതല വാരിയർ മൂലയിൽ വെച്ച് നടന്നു.
എം. അജയഘോഷിന്റെ അധ്യക്ഷതയിൽ ചേർന്ന യോഗത്തിൽ പ്രശസ്ത കവി ആലംകോട് ലീലാകൃഷ്ണൻ മെഡിക്കൽ ഉപകരണ ബാങ്കിന്റെ ഉദ്ഘാടനം നിർവഹിച്ചു. പൊന്നാനി മണ്ഡലം മുൻ എം.എൽ.എ പി. നന്ദകുമാർ ചടങ്ങിൽ മുഖ്യപ്രഭാഷണം നടത്തി.
’മൂക്കുതല എന്റെ ഗ്രാമം’ വാട്സാപ്പ് കൂട്ടായ്മയുടെ പ്രതിനിധി വി.വി. ശ്രീധരനിൽ നിന്നും മുൻ എം.എൽ.എ പി. നന്ദകുമാർ മൊബൈൽ ഫ്രീസർ ഏറ്റുവാങ്ങി ഫ്രണ്ട്സ് മൂക്കുതലയ്ക്ക് കൈമാറി. പി. സുമേഷ്, അഷ്റഫ് കാട്ടിൽ, നിഷ ബാബുരാജ് എന്നിവർ ചടങ്ങിന് ആശംസകൾ നേർന്ന് സംസാരിച്ചു.
ചടങ്ങിന് പി.വി. ഷൺമുഖൻ സ്വാഗതവും കെ.വി. ബാബുരാജ് നന്ദിയും പറഞ്ഞു.







