തൃത്താലയിലെ വികസന പ്രവർത്തനങ്ങളിൽ സംവാദത്തിന് വി.ടി ബൽറാമിനെ വെല്ലുവിളിച്ച് എം ബി രാജേഷ്

തൃത്താലയിൽ എൽഡിഎഫ് നടത്തിയ വികസന പ്രവർത്തനങ്ങളെ നിഷേധിക്കുന്ന യുഡിഎഫ് ക്യാമ്പയിനെതിരെ വി.ടി ബൽറാമിനെ വെല്ലുവിളിച്ച് എം ബി രാജേഷ്. കൂറ്റനാട് കണിച്ചിറക്കൽ മാൾ പരിസരത്ത് നടത്തിയ എൽഡിഎഫ് തൃത്താല നിയോജകമണ്ഡലം കൺവെൻഷനിൽ സംസാരിക്കുകയായിരുന്നു എം ബി രാജേഷ്.തൃത്താല നിയോജകമണ്ഡലത്തിൽ അഞ്ചു വർഷക്കാലം നടത്തിയ വികസന പ്രവർത്തനങ്ങളുടെ ഗുണഭോക്താക്കൾ ആണ് തൃത്താലയിലെ ജനങ്ങൾ, യുഡിഎഫും യുഡിഎഫ് സ്ഥാനാർത്ഥിയായ വി.ടി ബൽറാം തെറ്റായ വ്യാജപ്രചരണമാണ് മണ്ഡലത്തിൽ നടത്തുന്നതെന്നും എം പി രാജേഷ് ആരോപിച്ചു. ഇതിനെതിരെയാണ് വി.ടി ബൽറാമിനെ സംവാദനത്തിന് വെല്ലുവിളിച്ചത്. യുഡിഎഫിന്റെ 10 വർഷത്തെ വികസനത്തിന്റെ എത്രയോ മടങ്ങ് വികസനം അഞ്ചുവർഷംകൊണ്ട് എൽഡിഎഫ് തൃത്താലയിൽ നടത്തിയതായി എം.ബി രാജേഷ് പറഞ്ഞു. ശക്തമായ പ്രചാരണ പ്രവർത്തനങ്ങളിലാണ് ഇരു മുന്നണികളും. വോട്ടർമാരെ നേരിട്ട് കണ്ടും വീടുകൾ സന്ദർശിച്ചും പാർട്ടി പ്രവർത്തകരും സ്ഥാനാർത്ഥികളും കളം നിറയുകയാണ്. അതോടൊപ്പം സാമൂഹ്യ മാധ്യമങ്ങളിൽ പോസ്റ്റർ – വീഡിയോ പ്രചരണങ്ങളിലും മുന്നണികൾ സജീവമാണ്.