പാചകവാതക ക്ഷാമം രൂക്ഷം’ഹോട്ടലുകള്‍ അടച്ച്പൂട്ടല്‍ ഭീഷണിയില്‍’ചെറുകിട കച്ചവടക്കാര്‍ വിറകടുപ്പിലേക്ക് മാറുന്നു

ചങ്ങരംകുളം:പാചകവാതക ക്ഷാമം രൂക്ഷമായതോടെ എടപ്പാള്‍ ചങ്ങരംകുളം മേഖലയിലും ഹോട്ടലുകള്‍ അടച്ച്പൂട്ടല്‍ ഭീഷണിയില്‍.ഗ്യാസ് കിട്ടാന്‍ താമസം നേരിട്ട് തുടങ്ങോയതോടെ ചെറുകിട ഹോട്ടലുടമകള്‍ പലരും വിറകടുപ്പിലേക്ക് മാറിത്തുടങ്ങി.ഗ്യാസ് പ്രതിസന്ധി ഹോസ്റ്റലുകളെയും മറ്റു ഭക്ഷണ നിര്‍മ്മാണ സ്ഥാപനങ്ങളെയും വലിയ തോതില്‍ ആശങ്കയിലായിട്ടുണ്ട്.വിദ്യാര്‍ത്ഥികളും വിവിധ സ്ഥാപനങ്ങളില്‍ ജോലി ചെയ്യുന്നവരും ആശ്രയിച്ചിരുന്ന ഭക്ഷണ വിതരണ സ്ഥാപനങ്ങളും ഭക്ഷണ വിതരണം നിര്‍ത്തി തുടങ്ങിയിട്ടുണ്ട്.ചെറുകിട ഭക്ഷണ വിതരണ സ്ഥാപനങ്ങള്‍ പലരും വിറക് അടുപ്പ് ആശ്രയിക്കാന്‍ തുടങ്ങിയതോടെ വിറകിനും വലിയ ഡിമാന്റ് ആണ്.കരിഞ്ചന്തയില്‍ വലിയ തുക കൊടുത്താണ് ഹോട്ടലുടമകള്‍ ഗ്യാസ് വാങ്ങി കച്ചവടം മുന്നോട്ട് കൊണ്ട് പോകുന്നത്. ക്ഷാമം തുടര്‍ന്നാല്‍ ഭക്ഷണ നിര്‍മാണ സ്ഥാപനങ്ങള്‍ വലിയ പ്രതിസന്ധിയിലേക്ക് നീങ്ങുമെന്നാണ് ഹോട്ടലുടമകള്‍ പറയുന്നത്.