നിയമസഭ തിരഞ്ഞെടുപ്പ് ‘പൊന്നാനി തവനൂര്‍ മണ്ഡലങ്ങളില്‍ കലാശക്കൊട്ട് വേണ്ടെന്ന് രാഷ്ട്രീയ പാർട്ടി പ്രതിനിധികളുടെ യോഗത്തിൽ തീരുമാനം

പൊന്നാനി:2026 ഏപ്രിൽ 9-ാം തിയ്യതി നടക്കുന്ന കേരളാ നിയമ സഭാ ഇലക്ഷനോടനുബന്ധിച്ച് പൊന്നാനി പോലീസ് സ്റ്റേഷനിൽ വിളിച്ചു ചേർത്ത രാഷ്ട്രീയ പാർട്ടീ പ്രതിനിധികളുടെ യോഗത്തിൽ തവനൂർ, പൊന്നാനി നിയോജക മണ്ഡലങ്ങൾ ഉൾപ്പെടുന്ന പൊന്നാനി പോലീസ് സ്റ്റേഷൻ പരിധിയിലെ സ്ഥലങ്ങളിൽ കലാശക്കൊട്ട് ഒഴിവാക്കുന്നതിനും പൊതു സ്ഥലങ്ങളിൽ കൊടി തോരണങ്ങൾ കെട്ടുന്നതും ഫ്ലക്സുകൾ സ്ഥാപിക്കുന്നതും ഒഴിവാക്കുന്നതിന് സംയുക്തമായി തീരുമാനിച്ചു.പൊന്നാനി പോലീസ് സ്റ്റേഷനിൽ വെച്ച് ചേർന്ന യോഗത്തിൻെറ ഉദ്ഘാടനം പൊന്നാനി പോലീസ് ഇൻസ്പെക്ടർ ശ്രീ സതീഷ് കുമാർ നിർവ്വഹിച്ചു. പൊന്നാനി പോലീസ് സബ് ഇൻസ്പെക്ടർ ശ്രീ.ബിബിൻ.സിവി അദ്ധ്യക്ഷത വഹിച്ച യോഗത്തിൽ, പ്രൊബേഷൻ സബ് ഇൻസ്പെക്ടർ ശ്രീ.മഹേഷ് കുമാർ, വിവിധ രാഷ്ട്രീയ പാർട്ടി പ്രതിനിധികൾ തുടങ്ങിയവർ പങ്കെടുത്തു.