സ്കൂൾ എകീകരണ നടപടികൾ ത്വരിതപ്പെടുത്തണം:കെ എസ് ടി എ

എടപ്പാള്‍:സ്കൂൾ ഏകീകരണ നടപടികൾ ത്വരിതപ്പെടുത്തണമെന്ന് കെ എസ് ടി എ എടപ്പാൾ ഉപജില്ലാ സമ്മേളനം പ്രമേയത്തിലൂടെ ആവശ്യപ്പെട്ടു.കേരള
സ്കൂൾ ടീച്ചേഴ്സ് അസോസിയേഷൻ
34-ാ o എടപ്പാൾ ഉപജില്ലാ സമ്മേളനം തവനൂർ കെ എം ജി യു പി സ്കൂളിൽ വച്ച് നടന്നു.കെ എസ് ടി എ സംസ്ഥാന കമ്മിറ്റി അംഗം
സത്യജ്യോതി എസ് സമ്മേളനം ഉദ്ഘാടനം ചെയ്തു.മലപ്പുറം ജില്ലാ എക്സിക്യൂട്ടീവ് കമ്മിറ്റി അംഗം വി അബ്ദുൽ സിയാദ് സംഘടനാ റിപ്പോർട്ട് അവതരിപ്പിച്ചു.ഉപജില്ലാ പ്രസിഡണ്ട് സജി സി അധ്യക്ഷനായി.സെക്രട്ടറി സുബീന പി.പി പ്രവർത്തന റിപ്പോർട്ട് അവതരിപ്പിച്ചു.സ്വാഗത സംഘം ചെയർമാൻ ശ്രീജിത്ത് ബി ജി സ്വാഗതവും സ്വാഗത സംഘം കൺവീനർ വിപീഷ്ഷ് പി. വി നന്ദിയും പറഞ്ഞു.പുതിയ ഭാരവാഹികളായി കെഎം സുരേഷ് ബാമ്പു ( പ്രസിഡണ്ട് ) പി സുബീന പി.പി (സെക്രട്ടറി ) ഹംസ സി (ട്രഷറർ) എന്നിവരെ തിരഞ്ഞെടുത്തു.