ചിയ്യാനൂര്‍ ഹാപ്പിനസ് പാർക്കിൽ പൊതുപരിപാടികൾ സംഘടിപ്പിക്കാൻ അവസരമൊരുക്കുന്നു

ചങ്ങരംകുളം:ആലംകോട് ഗ്രാമ പഞ്ചായത്തിന് കീഴിൽ ചിയ്യാനൂരിൽ പ്രവർത്തിക്കുന്ന ഹാപ്പിനസ് പാർക്കിൽ രാഷ്ട്രീയ,സാംസ്കാരിക,സാമൂഹിക സംഘടനകൾക്കും പ്രാദേശിക ക്ലബുകൾക്കും വ്യവസ്ഥകൾക്ക് വിധേയമായി പരിപാടികൾ സംഘടിപ്പിക്കാൻ അനുമതി നൽകുന്നു.പരിപാടികൾ സംഘടിപ്പിക്കാൻ ഉദ്ദേശിക്കുന്നവർ മൂന്ന് ദിവസ്സം മുൻപ് പഞ്ചായത്ത് സെക്രട്ടറിക്ക് രേഖാ മൂലം അപേക്ഷ നൽകണം.പാർക്കിൽ വരുന്ന പൊതു ജനങ്ങൾക്ക് തടസ്സം സൃഷ്ടിക്കാതെ നടത്തുന്ന പരിപാടികൾക്കാണ് അനുമതി നൽകുക.
പരിപാടി സംഘടിപ്പിക്കുന്നവർ പാർക്ക് മാലിന്യ മുക്തമായി സൂക്ഷിക്കുകയും,വാഹനങ്ങൾക്ക് തടസ്സം സൃഷ്ടിക്കുകയും ഇല്ല എന്നുള്ള സത്യവാങ്മൂലം നൽകേണ്ടിയും വരും.വൈദ്യുതി ഉപയോഗിക്കുന്നവർ അതിനുള്ള തുകയും അടക്കേണ്ടി വരും.അനുമോദന സദസ്സുകൾ,പുസ്തക പ്രകാശനങ്ങൾ, കലാപരിപാടികൾ, സാഹിത്യ സംഗമങ്ങൾ തുടങ്ങിയവ നടത്തുന്നതിന് അനുയോജ്യമാണ് ഹാപ്പിനസ് പാർക്ക്