തണൽ ആക്ടീവ് മെമ്പേഴ്സ് കൂട്ടായ്മ നിലവിൽ വന്നു

മാറഞ്ചേരി: തണൽ വെൽഫെയർ സൊസൈറ്റിയുടെ കീഴിലെ സംഗമം പലിശ രഹിത അയൽകൂട്ടങ്ങളിലെ ആക്ടീവ് മെമ്പേഴ്സിൻ്റെ കൂട്ടായ്മക്ക് രൂപം നൽകി. തണൽ ഓഡിറ്റോറിയത്തിൽ നടന്ന യോഗം തണൽ ജനറൽ സെക്രട്ടറി എ. അബ്ദുൾ ലത്തീഫ് ഉദ്ഘാടനം ചെയ്തു. തണൽ ട്രഷറർ യു. സാലിഹ് അധ്യക്ഷത വഹിച്ചു. തണൽ എക്സി. അംഗം ഉമർ പോഴത്ത്, സംഗമം കോർഡിനേറ്റർ റമീനാഫാരിഷ് എന്നിവർ പ്രസംഗിച്ചു.തണൽ ആക്ടീവ് മെമ്പേഴ്സ് കൂട്ടായ്മയുടെ ഭാരവാഹികളായി താഴെ പറയുന്നവരെ തെരഞ്ഞെടുത്തു.ടി.പി. നാസർ (ചെയർമാൻ)എ. അബ്ദുൾ ലത്തീഫ്, യു. സാലിഹ്, എ. മുഹമ്മദ് മുബാറക്, റമീനാഫാരിഷ്,ജാബിറ, സുബൈദ ടീച്ചർ (വൈ.ചെയർമാൻമാർ) ബേബി ബാൽ ( ജനറൽ കൺവീനർ)ഹൈറുന്നിസ , ആരിഫ ബഷീർ,റഷീദ, റംഷിയ, അവാതിഫ് , നിഷിദ, റസീന, സുബൈദ (കൺവീനർമാർ)കൂട്ടായ്മയുടെ കീഴിൽ വിവിധ വേദികൾക്ക് രൂപം നൽകി. ഭാരവാഹികൾ: സർഗവേദി (റഷീദ കാഞ്ഞിരമുക്ക് ) സേവന വേദി (സാമ്പിറ ഹസ്സൻ ) കായിക വേദി(നിഷിദ) , വിനോദ വേദി (ആരിഫ ബഷീർ) എന്നിവരെ തെരഞ്ഞെടുത്തു.മാർച്ച് 8 ന് വനിതാദിനം വിപുലമായി ആചരിക്കുവാൻ തീരുമാനിച്ചു. വിവിധ മേഖലകളിൽ കഴിവ് തെളിയിച്ചവരെ വനിതാ ദിനത്തിൽ ആദരിക്കും.80 അംഗ എക്സി. കമ്മിറ്റിക്ക് രൂപം നൽകി.