വൃതശുദ്ധിയുടെ പുണ്യമാസം;കേരളത്തിൽ ഇന്ന് മുതല്‍ റമദാൻ ദിനങ്ങള്‍

കേരളത്തിൽ റമദാൻ മാസത്തെ വൃതാരംഭം തുടങ്ങി.ശഅബാൻ 30 പൂർത്തിയാക്കിയാണ് റംസാന്‍ വൃതാരംഭത്തിന് തുടക്കമായത്.വിശ്വാസികൾ വലിയ ആത്മീയ ചൈതന്യത്തോടെ കാത്തിരുന്ന പുണ്യമാസത്തിനാണ് ഇതോടെ തുടക്കമാകുന്നത്.മസ്ജിദുകള്‍ കേന്ദ്രീകരിച്ച് പ്രത്യേക പ്രാര്‍ത്ഥനകള്‍ക്കും തുടക്കമായി.വിശ്വാസികള്‍ പൂര്‍ണ്ണമായും മാനസികവും ശാരീരികവുമായ ശുദ്ധിയോടെ വൃതാരംഭത്തില്‍ മുഴുകി. ഇനിയുള്ള ഒരു മാസക്കാലം പകല്‍ സമയങ്ങളില്‍ അന്നപാനീയങ്ങള്‍ വെടിഞ്ഞ് പ്രാര്‍ത്ഥനകളില്‍ മുഴുകുന്ന വിശ്വാസികള്‍ക്ക് നോമ്പ് തുറ ഒരുക്കാനുള്ള തയ്യാറെടുപ്പുകളും വിവിധ കൂട്ടായ്മകളുടെ നേതൃത്വത്തില്‍ ആരംഭിച്ചു കഴിഞ്ഞു.മസ്ജിദുകള്‍ കേന്ദ്രീകരിച്ചും നോമ്പ് തുറകള്‍ക്ക് വിപുലമായ സൗകര്യങ്ങള്‍ ഒരുക്കിയിട്ടുണ്ട്