ചങ്ങരംകുളത്ത് അപകട ഭീഷണി ഉയര്‍ത്തുന്ന ഡ്രൈനേജ് കുഴി അടക്കണമെന്ന് നാട്ടുകാര്‍

ചങ്ങരംകുളം:അപകട ഭീഷണി ഉയര്‍ത്തുന്ന ഡ്രൈനേജ് അടച്ച് യാത്രക്കാര്‍ക്ക് സുരക്ഷ ഒരുക്കണമെന്ന ആവശ്യവുമായി നാട്ടുകാര്‍ രംഗത്ത്.ചങ്ങരംകുളം ടൗണ്‍ നവീകരണത്തിന്റെ ഭാഗമായാണ് ചങ്ങരംകുളം എടപ്പാള്‍ റോഡില്‍ സബീന റോഡിലേക്ക് തിരിയുന്ന ഭാഗത്ത് ഡ്രൈനേജിന്റെ നിര്‍മാണ പ്രവൃത്തികള്‍ നടത്തിയത്.ഡ്രൈനേജ് നിര്‍മാണം പൂര്‍ത്തിയാക്കാതെ വന്നതോടെയാണ് റോഡിനോട് ചേര്‍ന്ന് വലിയ കുഴി രൂപപ്പെട്ടത്.ഡ്രൈനേജ് സ്ളാബ് ഇട്ട് മൂടാത്ത അവസ്ഥ വന്നതോടെ ഇതില്‍ മാലിന്യങ്ങള്‍ വന്ന് അടിഞ്ഞ് കൂടിയിട്ടുമുണ്ട്.വിദ്യാര്‍ത്ഥികള്‍ അടക്കം നൂറ് കണക്കിനാളുകള്‍ സഞ്ചരിക്കുന്ന റോഡില്‍ പലപ്പോഴും അപകടങ്ങളും പതിവാണ്.തുറന്ന് കിടക്കുന്ന ഡ്രൈനേജിന് സമീപത്ത് അപകടാവസ്ഥ തിരിച്ചറിയാന്‍ പോലും സംവിധാനമില്ല.തിരക്കേറിയ പ്രധാന റോഡിലെ അപകടഭീഷണി ഉയര്‍ത്തുന്ന ഡ്രൈനേജ് നിര്‍മാണം ഉടന്‍ പൂര്‍ത്തിയാക്കി സ്ളാബ് ഇടണമെന്ന ആവശ്യമാണ് ശക്തമായിരിക്കുന്നത്