ചങ്ങരംകുളം ടൗണ്‍ നവീകരണം ഇഴഞ്ഞ് നീങ്ങുന്നു’പ്രതിഷേധം വ്യാപകം

ചങ്ങരംകുളം:ടൗണ്‍ നവീകരണം ഇഴഞ്ഞ് നീങ്ങുന്നത് വ്യാപകമായ പ്രതിഷേധങ്ങള്‍ക്ക് കാരണമാകുന്നു.സംസ്ഥാന സര്‍ക്കാരിന്റെ അഞ്ചര കോടിയോളം രൂപ ചിലവിട്ടാണ് ചങ്ങരംകുളം ടൗണ്‍ ബ്യൂട്ടിഫിക്കേഷന്‍ പദ്ധതിക്ക് ഒന്നരവര്‍ഷം മുമ്പ് തുടക്കം കുറിച്ചത്.ഒരു വര്‍ഷത്തിനകം പദ്ധതി പൂര്‍ത്തിയാക്കുമെന്ന് ഉദ്ഘാടനചടങ്ങില്‍ പ്രഖ്യാപന മുണ്ടായെങ്കിലും പ്രവൃത്തി തുടങ്ങി രണ്ട് വര്‍ഷത്തിനോട് അടുക്കുമ്പോഴും പ്രവൃത്തികള്‍ ഇഴഞ്ഞ് നീങ്ങുന്നതാണ് വ്യാപകമായ പ്രതിഷേധങ്ങള്‍ക്ക് ഇടയാക്കുന്നത്.നിര്‍മ്മാണ പ്രവൃത്തിയിലെ അശാസ്ത്രീയതയും വലിയ പ്രതിഷേധങ്ങള്‍ക്ക് ഇടയാക്കിയിരുന്നു.ടൗണിലെ വ്യാപാരികളും പ്രവൃത്തിയില്‍ തൃപ്തരല്ല.സ്ഥാപനങ്ങള്‍ക്ക് മുന്നില്‍ നടപ്പാതക്കായി പൊളിച്ചിട്ട ഭാഗങ്ങള്‍ പൂര്‍ത്തിയാക്കാത്തതാണ് വ്യാപാരികളില്‍ പ്രതിഷേധം ഉയര്‍ത്തുന്നത്.ഓട്ടോ തൊഴിലാളികള്‍ക്ക് പാര്‍ക്കിങ് സംവിധാനങ്ങള്‍ ഒരുക്കാത്തതും പ്രതിഷേധങ്ങള്‍ക്ക് ഇടയാക്കുന്നുണ്ട്.ടൗണില്‍ ട്രൈനേജ് പ്രവൃത്തി പൂര്‍ത്തിയാക്കിയ ഭാഗങ്ങളില്‍ കോണ്‍ഗ്രീറ്റ് ചെയ്യുകയോ ടാര്‍ ചെയ്യുകയോ ചെയ്യാത്തതും ടൗണില്‍ രൂപം കൊണ്ട കുഴികള്‍ അടക്കാത്തതും പ്രതിഷേധങ്ങള്‍ക്ക് ഇടയാക്കുന്നുണ്ട്.തിരഞ്ഞെടുപ്പിന് മുമ്പെങ്കിലും ടൗണ്‍ നവീകരണ പ്രവൃത്തി പൂര്‍ത്തിയാക്കി വ്യാപാരികളും യാത്രക്കാരും അനുഭവിക്കുന്ന ദുരിതങ്ങള്‍ക്ക് പരിഹാരം കാണണമെന്നാണ് നാട്ടുകാരുടെ ആവശ്യം