മാറഞ്ചേരി സ്വദേശിയായ 22 കാരിയെ കാണാതായിട്ട് 5 ദിവസം’പോലീസ് അന്വേഷണം ഊര്‍ജ്ജിതമാക്കി

മാറഞ്ചേരി സ്വദേശിയായ 22 കാരിയെ കാണാതായിട്ട് 5 ദിവസം കഴിഞ്ഞിട്ടും കണ്ടെത്താനായില്ല.പെണ്‍കുട്ടിയെകണ്ടെത്തുന്നതിന് പെരുമ്പടപ്പ് പോലീസ് അന്വേഷണം ഊര്‍ജ്ജിതമാക്കി.’മാറഞ്ചേരി സ്വദേശിയായ അയിഷ റഫ എന്ന 22 കാരിയെ യാണ് ശനിയാഴ്ച കാലത്ത് മുതല്‍ കാണാതായത്.പെരുമ്പടപ്പ് പോലീസിന് ശനിയാഴ്ച വൈകിയിട്ട് ബന്ധുക്കള്‍ പരാതി നല്‍കിയിരുന്നു.കാലത്ത് 10 മണിയോടെ വീട്ടില്‍ നിന്ന് ഇറങ്ങി പോകുന്ന ദൃശ്യങ്ങള്‍ പോലീസിന് ലഭിച്ചിട്ടുണ്ട്.മൊബൈല്‍ ഫോണ്‍ എടുക്കാതെയാണ് കുട്ടി വീട്ടില്‍ നിന്ന് ഇറങ്ങിയത്‌.ഇത്കൊണ്ട് തന്നെ പോലീസിന്റെ അന്വേഷണത്തെയും ഇത് ബാധിച്ചിരുന്നു.കുട്ടിയുടെ സുഹൃത്തുക്കളെയും സഹപാഠികളെയെ അന്വേഷണ സംഘം ചോദ്യം ചെയ്തെങ്കിലും കൃത്യമായ വിവരങ്ങള്‍ ഒന്നും ലഭിച്ചിട്ടില്ല.അഞ്ച് ദിവസം കഴിഞ്ഞിട്ടും ഒരു വിവരവും ലഭിക്കാത്തത് ബന്ധുക്കളില്‍ ആശങ്ക യുണ്ടാക്കുന്നുണ്ട്.സംഭവത്തില്‍ പെരുമ്പടപ്പ് പോലീസ് അന്വേഷണം ഊര്‍ജ്ജിതമാക്കിയിട്ടുണ്ട്.സിസിടിവി ദൃശ്യങ്ങള്‍ കേന്ദ്രീകരിച്ചാണ് പോലീസിന്റെഅന്വേഷണം തുടരുന്നത്.എന്തെങ്കിലും വിവരം ലഭിക്കുന്നവര്‍ അടുത്തുള്ള പോലീസ് സ്റ്റേഷനിലോ താഴെ കാണിച്ച നമ്പറിലോ ബന്ധപ്പെടണമെന്ന് ബന്ധുക്കള്‍ അറിയിച്ചു