പിടി.മോഹനകൃഷ്ണൻ നട്ടു വളർത്തിയ നന്മകൾഎക്കാലവും ഒളി മങ്ങാതെ നിലനിൽക്കും:എ.പി.അനിൽകുമാർ.എം.എൽ.എ

എരമംഗലം:പി.ടി.മോഹനകൃഷ്ണൻ വിഭാവനം ചെയ്ത മനുഷ്യ സ്നേഹത്തിൻ്റെയുംകരുണയുടേയും ,നന്മയുടെയും രാഷ്ട്രീയ മാതൃക വരും കാലങ്ങളിലും ഒളി മങ്ങാതെ നില നിൽക്കുമെന്ന് എ.പി. അനിൽകുമാർ എം.എൽ.എ .പിടി.മോഹനകൃഷ്ണൻ്റെ നാമധേയത്തിൽ പ്രവർത്തിച്ചു വരുന്ന മോഹനേട്ടൻ സ്മാരക ട്രസ്റ്റിൻ്റെ നേതൃത്വത്തിൽ നടന്ന സൈക്കിൾ വിതരണോദ്ഘാടനം നിർവ്വഹിച്ചു സംസാരിക്കുകയായിരുന്നു അദ്ദേഹം.എരമംഗലം കിളിയിൽ പ്ലാസ ഓഡിറ്റോറിയത്തിൽ വെച്ച് നടന്ന ചടങ്ങിൽ ട്രസ്റ്റ് ചെയർമാൻ പി.ടി. അജയ്മോഹൻ അധ്യക്ഷത വഹിച്ചു.വെളിയങ്കോട് ഗ്രാമ പഞ്ചായത്ത് പ്രസിഡണ്ടും , ട്രസ്റ്റ് അംഗവുമായ കല്ലാട്ടേൽ ഷംസു ,പഞ്ചായത്ത്
വൈസ് പ്രസിഡന്റ് ഫൗസിയ വടക്കേപ്പുറത്ത്,ഷാജി കാളിയത്തേൽ , സി കെ പ്രഭാകരൻ , എ. കെ. ആലി , മുസ്തഫ വടമുക്ക്,എം.ഇ.എസ് സംസ്ഥാന ട്രഷറർ ഒ സി . സലാവുദ്ദീൻ , എ കെ ആലി,പി.ടി.ഖാദർ ടി കെ. അഷറഫ് തുടങ്ങിയവർ സംസാരിച്ചു.ശ്രീജിത്ത് മാറഞ്ചേരി സ്വാഗതവും സുരേഷ് പാട്ടത്തിൽ നന്ദിയും പറഞ്ഞു .പി.രാജാറാം ,കല്ലാട്ടേൽ മുഹമ്മദ്,വി. ആർ. മുഹമ്മദ് അസീസ് കോടത്തൂർ തുടങ്ങിയവർ സൈക്കിൾ വിതരണത്തിന് നേതൃത്വം നല്കി. വരും ദിവസങ്ങളിൽ ഇലക്ട്രിക് സ്കൂട്ടറുകളും സൈക്കിളുകളുടെ രണ്ടാം ഘട്ട വിതരണവും നടക്കുമെന്ന് മോഹനേട്ടൻ സ്മാരക ട്രസ്റ്റ് ഭാരവാഹികൾ അറിയിച്ചു.