ചാലിശ്ശേരിയിൽ ആഡംബര ബൈക്കും ടിപ്പർ ലോറിയും കൂട്ടിയിടിച്ചുണ്ടായ അപകടത്തിൽ ബൈക്ക് യാത്രക്കാരന് ഗുരുതര പരിക്ക്

ടിപ്പർ ലോറിയും ആഢംബര ബൈക്കും കുട്ടിയിടിച്ചുണ്ടായ അപകടത്തിൽ ബൈക്ക് യാത്രക്കാരന് ഗുരുതര പരിക്ക്. കോഴിക്കോട് സ്വദേശി 25 വയസുള്ള സിദ്ധാർഥിനാണ് പരിക്കേറ്റത്. ചാലിശ്ശേരി ക്ഷേത്ര മൈതാനത്തിന് സമീപം ബുധനാഴ്ച വൈകുന്നേരം 3 മണിയോടെ ആയിരുന്നു അപകടം. പെരുമ്പിലാവ് ഭാഗത്ത് നിന്നും വരികയായിരുന്ന ഡ്യൂക്ക് ബൈക്കും എതിരെ വരികയായിരുന്ന ടിപ്പർ ലോറിയും തമ്മിൽ കൂട്ടിയിടിക്കുകയായിരുന്നു. അപകടത്തിൽ ഗുരുതര പരിക്കേറ്റ സിദ്ധാർഥിനെ കുന്നംകുളത്തെ സ്വകാര്യ ആശുപത്രിയിൽ പ്രവേശിപ്പിച്ചു. കെ പി എസ് ടി എ അംബുലൻസ് ഡ്രൈവർ അഷ്കർ അലിയാണ് പരിക്കേറ്റ യുവാവിനെ ആശുപത്രിയിലെത്തിച്ചത്.