ഇനി മകളുടെ ഊഴം; ഓണം ക്ലാഷിന് വിസ്മയ മോഹൻലാലും, ‘തുടക്കം’ പോസ്റ്റർ പുറത്ത്

നടൻ മോഹൻലാലിന്‍റെ മകൾ വിസ്മയ മോഹൻലാൽ നായികയായെത്തുന്ന തുടക്കം എന്ന ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്ത്. മോഹൻലാൽ ആണ് പോസ്റ്റർ പുറത്തുവിട്ടത്.വിസ്മയ മോഹൻലാൽ, ആശിഷ് ആന്റണി, മോഹൻലാൽ എന്നിവരെ പോസ്റ്ററിൽ കാണാം. 2026 ഓണത്തിനാണ് റിലീസ്.ജൂഡ് ആന്റണി ജോസഫ് സംവിധാനം ചെയ്യുന്ന തുടക്കം നിർമിക്കുന്നത് ആശിർവാദ് സിനിമസിന്റെ ബാനറിൽ ആന്റണി പെരുമ്പാവൂർ ആണ്.2018 എന്ന ചിത്രത്തിനുശേഷം ജൂഡ് ആന്തണി ജോസഫ് സംവിധാനം ചെയ്യുന്ന സിനിമയാണിത്. ജെയ്‌ക്സ് ബിജോയ്‌ ആണ് സംഗീതം. ജോമോൻ ടി ജോൺ ആണ് ചായാഗ്രഹണം.