കുന്നംകുളത്ത് ബൈക്ക് അപകടത്തിൽ രണ്ട് യുവാക്കൾക്ക് ദാരുണാന്ത്യം.

കുന്നംകുളത്ത് ബൈക്ക് അപകടത്തിൽ രണ്ട് യുവാക്കൾക്ക് ദാരുണാന്ത്യം.കുന്നംകുളം കാണിയാമ്പലിൽ ഇന്ന് പുലർച്ചെ രണ്ട് മണിക്കാണ് അപകടം നടന്നത്. കാവിലക്കാട് കൂളിയാട്ടിൽ പ്രകാശൻ മകൻ പ്രണവ് ( 26 ) ,കാവിലക്കാട് മമ്പറമ്പിൽ ജിഷ്ണു (27) എന്നിവരാണ് മരിച്ചത്.കാണിപ്പയ്യൂർ ഭാഗത്ത് നിന്നും ബൈക്കിൽ വരികയായിരുന്ന ഇവർ
സഞ്ചരിച്ചിരുന്ന ബൈക്ക് കാണിയാമ്പാൽ പനങ്ങായി ഇറക്കത്തിൽ നിയന്ത്രണം വിട്ടു ഇലക്ട്രിക് പോസ്റ്റിൽ ഇടിച്ചുമറിഞ്ഞാണ് അപകടമുണ്ടായത്.ഇവർക്കൊപ്പം മറ്റൊരു ബൈക്കിൽ ഉണ്ടായിരുന്നവർ പുറകിൽ ഇവരെ കാണാത്തതിനെ തുടർന്ന് തിരിച്ചെത്തി നോക്കിയപ്പോഴാണ് അപകടം അറിഞ്ഞത്.
ഉടൻ ഇരുവരെയും ആശുപത്രിയിൽ എത്തിച്ചുവെങ്കിലും മരിച്ചിരുന്നു.മൃതദേഹം കുന്നംകുളം
മലങ്കര ആശുപത്രി മോർച്ചറിയിൽ.