ചങ്ങരംകുളം ഒതളൂരില്‍ നിന്ന് കാണാതായ യുവാവിനെ കിണറ്റില്‍ മരിച്ച നിലയില്‍ കണ്ടെത്തി

ചങ്ങരംകുളം ഒതളൂരില്‍ കാണാതായ യുവാവിനെ കിണറ്റില്‍ മരിച്ച നിലയില്‍ കണ്ടെത്തി.ഒതളൂര്‍ പടിഞ്ഞാറ്റുമുറിയില്‍ താമസിക്കുന്ന കൊടക്കാട്ടുവളപ്പില്‍ ചന്ദ്രന്റെ മകന്‍ ഷിജുകൃഷ്ണ(24)നെയാണ് വീട്ടിലെ കിണറ്റില്‍ മരിച്ച നിലയില്‍ കണ്ടെത്തിയത്‌.സ്വകാര്യ ബസില്‍ ജീവനക്കാരനായിരുന്ന ഷിജു കൃഷ്ണനെ കഴിഞ്ഞ ദിവസം മുതല്‍ കാണാതായിരുന്നു.നാട്ടുകാര്‍ തിരഞ്ഞെങ്കിലും കണ്ടെത്താവാത്തതോടെ വീട്ടുകാര്‍ പോലീസില്‍ പരാതി നല്‍കിയിരുന്നു.പോലീസ് അന്വേഷണം തുടരുന്നതിനിടെയാണ് കാലത്ത് 10 മണിയോടെ സ്വന്തം വീടിന് പുറകിലുള്ള കിണറ്റില്‍ യുവാവിന്റെ മൃതദേഹം കണ്ടെത്തിയത്.താഴ്ച കൂടുതല്‍ ഉള്ള കിണറ്റില്‍ വെള്ളം കുറവായിരുന്നു.കുന്നംകുളം ഫയര്‍ഫോഴ്സും ചങ്ങരംകുളം പോലീസും സ്ഥലത്ത് എത്തി മൃതദേഹം പുറത്തെടുത്ത്.മൃതദേഹം നടപടിക്രമങ്ങള്‍ പൂര്‍ത്തിയാക്കി പോസ്റ്റുമോര്‍ട്ടത്തിന് ശേഷം ബന്ധുക്കള്‍ക്ക് വിട്ട് നല്‍കും