ജാമിഅ നൂരിയ്യ അറബിയ്യയുടെ 63-ാം വാർഷികം’എസ്.കെ.എസ്.എസ്.എഫ് പ്രചരണ റാലി ചങ്ങരംകുളത്ത് സമാപിച്ചു.

ചങ്ങരംകുളം:”ആധികാരിക പരമോന്നത പണ്ഡിതസഭ സമസ്ത കേരള ജംഇയ്യത്തുൽ ഉലമയുടെ നൂറാം വാർഷിക അന്താരാഷ്ട്ര മഹാസമ്മേളനത്തിന്റെയും അത്യുന്നത മത കലാലയമായ പട്ടിക്കാട് ജാമിഅ നൂരിയ്യ അറബിയ്യയുടെ 63-ാം വാർഷിക 61-ാം സനദ് ദാന മഹാസമ്മേളനത്തിന്റെയും പ്രചരണാർത്ഥം എസ്.കെ.എസ്.എസ്.എഫ് പൊന്നാനി ഏരിയ സ്റ്റുഡന്റ്സ് ഫോറം സംഘടിപ്പിച്ച പ്രചരണ റാലി രാവിലെ പൊന്നാനി മഖാം സിയാറത്തോടുകൂടി ആരംഭിച്ച് വൈകുന്നേരം ചങ്ങരംകുളത്ത് സമാപിച്ചു. സമാപന സംഗമത്തിൽ ജാഥാ നായകൻ അജ്മൽ മുസ്ലിയാർ കാലടി അധ്യക്ഷത വഹിച്ചു.സാലിം സ്വാബിരി ആമുഖ പ്രഭാഷണം നിർവ്വഹിച്ചു. റഫീഖ് പെരുമുക്ക് ഉദ്ഘാടന കർമ്മം നിർവ്വഹിച്ചു”സന്ദേശ പ്രഭാഷണത്തിന് ഹബീബ് ഫൈസി നേതൃത്വം നൽകി.മൂസ മുസ്ലിയാർ വളയംകുളം പ്രാർത്ഥനക്ക് നേതൃത്വം നൽകി.മുഹമ്മദ് മുസ്ലിയാർ, റാഷിദ് കോക്കൂർ എന്നിവർ ആശംസ അറിയിച്ചു.ഹിഷാം മുസ്ലിയാർ നന്ദി അർപ്പിച്ചു.