കുന്നംകുളത്ത് കടന്നൽ ആക്രമണത്തില്‍ അഞ്ചു പേർക്ക് പരിക്കേറ്റു.പരിക്കേറ്റ ഒരാളുടെ നില ഗുരുതരമാണ്.കുന്നംകുളം
നഗരസഭയില്‍ പട്ടാമ്പി റോഡിലെ ഫീൽഡ് നഗറിലാണ് കടന്നലിന്റെ അക്രമണം.ഫീൽഡ് നഗർ സ്വദേശികളായ റോയ്, സുമൻ രാജ്, ധർമ്മപാലൻ ഉൾപ്പെടെ 5 പേർക്കാണ് കടന്നൽ കുത്തേറ്റത്. കടന്നൽ ആക്രമണത്തിൽ ഗുരുതരമായി പരിക്കേറ്റ റോയിയെ കുന്നംകുളം മലങ്കര ആശുപത്രിയിലെ അത്യഹിത വിഭാഗത്തിൽ പ്രവേശിപ്പിച്ചു.സ്വകാര്യ വ്യക്തിയുടെ പറമ്പിലെ തെങ്ങിലുണ്ടായിരുന്ന കൂറ്റൻ കടന്നൽകൂട് കാറ്റിൽ ഇളകിയതിനെത്തുടർന്നാണ് ആക്രമണമുണ്ടായതെന്നാണ് പ്രാഥമിക നിഗമനം. തിങ്കളാഴ്ച രാവിലെ 11 മണിയോടെ റോഡിലൂടെ നടന്നു വന്നിരുന്ന റോയിയെ യാണ് കടന്നല്‍ കൂട്ടം അക്രമിച്ചത്
ആക്രമണത്തിനിടെ ഓടി വീട്ടിൽ കയറിയെങ്കിലും പുറകെ കൂട്ടമായെത്തിയ കടന്നല്‍കൂട്ടം റോയിയെ ഗുരുതരമായി കുത്തി പരുക്കേല്‍പിക്കുകയായിരുന്നു
ചൊവ്വാഴ്ച രാവിലെയാണ് മറ്റുള്ള വരെ കടന്നൽ കൂട്ടം ആക്രമിച്ചത്. വാർഡ് കൗൺസിലർമാരായ ബിനാരവി, സന്ദീപ് ചന്ദ്രൻ എന്നിവർ കുന്നംകുളം ആഗ്നി രക്ഷാസേനയെ വിവരമറിയിച്ചതിനെത്തുടർന്ന് സിവിൽ ഡിഫൻസ് അംഗവും പാമ്പ് സംരക്ഷകനുമായ രാജൻ പെരുമ്പിലാവ് സ്ഥലത്തെത്തി പരിശോധന നടത്തി.എത്രയും വേഗം ഭീമൻ കടന്നൽകൂട് നീക്കം ചെയ്യാനാകുമെന്നാണ് പ്രതീക്ഷയെന്ന് അധികൃതര്‍ അറിയിച്ചു
