ആലംകോടും നന്നംമുക്കും തിരിച്ച് പിടിച്ച് യുഡിഎഫ് തേരോട്ടം’പെരുമ്പടപ്പ് ബ്ളോക്കും ജില്ലാ പഞ്ചായത്തും ലഭിച്ചത് ഇരട്ടി മധുരം

ചങ്ങരംകുളം:ആലംകോടും നന്നംമുക്കും തിരിച്ച് പിടിച്ച് യുഡിഎഫ് തേരോട്ടം.കാലങ്ങളായി യുഡിഎഫിന്റെ കൈകളില്‍ ആയിരുന്ന ആലംകോട് കഴിഞ്ഞ തവണയാണ് എല്‍ഡിഎഫ് പിടിച്ചെടുത്തത്.19 വാര്‍ഡുകളുണ്ടായിരുന്ന ആലംകോട് കഴിഞ്ഞ തവണ 11 സീറ്റില്‍ എല്‍ഡിഎഫ് വിജയിച്ചിരുന്നു.ഇത്തവണ രണ്ട് വാര്‍ഡുകള്‍ കൂടി 21 വാര്‍ഡുകളിലാണ് കടുത്ത മത്സരം നടന്നത്.5 സീറ്റില്‍ മാത്രമാണ് എല്‍ഡിഎഫിന് ജയിക്കാനായത്.16 സീറ്റിലും യുഡിഎഫ് സമഗ്രവിജയം നേടി.നന്നംമുക്ക് പഞ്ചായത്ത് ടോസ് നേടിയാണ് കഴിഞ്ഞ തവണ എല്‍ഡിഎഫ് ഭരിച്ച് വന്നത്.17 സീറ്റില്‍ 8 യുഡിഎഫും 8 എല്‍ഡിഎഫും നേടിയാണ് സമനില പാലിച്ചത്.ഒരു സീറ്റ് ബിജെപി നേടിയിരുന്നു.ഇത്തവണ വാര്‍ഡ് എണ്ണം കൂടിയതോടെ നന്നംമുക്കില്‍ 19 വാര്‍ഡിലാണ് മത്സരം നടന്നത്.ഇതില്‍ 6 വാര്‍ഡില്‍ മാത്രമാണ് എല്‍ഡിഎഫിന് ജയിക്കാനായത്.യുഡിഎഫ് പിന്തുണയോടെ മത്സരിച്ച സിപിഐ സ്വതന്ത്ര സ്ഥാനാര്‍ത്ഥി വിജയിച്ചതും എല്‍ഡിഎഫി ന് ഇരുട്ടടിയായി.16 വാര്‍ഡില്‍ മത്സരിച്ച സുമേഷ് പിടാവനൂര്‍ ആണ് വിജയിച്ചത്.സിപിഐ സ്വതന്ത്രന്‍ കൂടാതെ 11 സീറ്റില്‍ കൂടി യുഡിഎഫ് വിജയിച്ചു.ഒരു സീറ്റില്‍ ഇത്തവണയും ബിജെപി വിജയിച്ചു.പഞ്ചായത്തുകളില്‍ സമഗ്രവിജയം നേടിയത് കൂടാതെ കാലങ്ങളായി എല്‍ഡിഎഫ് കയ്യടക്കി വെച്ച പെരുമ്പടപ്പ് ബ്ളോക്ക് ഡിവിഷനുകള്‍ വിജയിക്കാനായതും,ജില്ലാ പഞ്ചായത്ത് ചങ്ങരംകുളം ഡിവിഷന്‍ പിടിച്ചെടുക്കാനായതും യുഡിഎഫിന് ഇരട്ടി മധുരമാണ് സമ്മാനിക്കുന്നത്