പാവിട്ടപ്പുറം അസ്സബാഹ് അറബിക് കോളജിലെ ത്രിദിന സാമൂഹ്യ ബോധവത്ക്കരണ ക്യാമ്പ് സമാപിച്ചു

ചങ്ങരംകുളം:കേരള സർക്കാർ ന്യൂനപക്ഷ ക്ഷേമ വകുപ്പിന്റെ ധന സഹായത്തോടെ പാവിട്ടപ്പുറം അസ്സബാഹ് അറബിക് കോളജിലെ തെരെഞ്ഞെടുക്കപ്പെട്ട വിദ്യാർത്ഥികൾക്ക് വേണ്ടി സംഘടിപ്പിച്ച ത്രിദിന സാമൂഹ്യ ബോധവത്ക്കരണ പരിപാടി സമാപിച്ചു.പാത്ത് വേ സോഷ്യൽ ലൈഫ് വെൽനസ് പ്രോഗ്രാം എന്ന പേരിൽ നടന്ന ഈ പരിപാടി പൊന്നാനി ന്യൂനപക്ഷ യുവജന ക്ഷേമ കേന്ദ്രത്തിന്റെ നേതൃത്വത്തിലാണ് നടന്നത്.ജീവിതത്തിലെ വെല്ലുവിളികൾ നേരിടാനുള്ള ആത്മ വിശ്വാസം നൽകൽ, ഭാവിജീവിതം സന്തോഷകരമാക്കാനുള്ള വഴികൾ എന്നിവയെ കുറിച്ചാണ് മൂന്നു ദിവസത്തെ ക്യാമ്പിൽ ചർച്ച ചെയ്തത്.3 ദിവസങ്ങളിലായി 6 സെഷനുകളിൽ ഷൈമ അബ്ദുൽ ഖാദർ, ഹാജറ എം വി ,സാമ്പിറ വി ,ഡോ.സയാന, അഡ്വ: ഷമീർ, മുഹമ്മദ് ഫൈസൽ തുടങ്ങിയവർ വിദ്യാർത്ഥികളുമായി സംവദിച്ചു.