തിരഞ്ഞെടുപ്പ് ‘ജില്ലാ പഞ്ചായത്ത് ചങ്ങരംകുളം ഡിവിഷന്‍ ഇത്തവണ പൊടിപാറും’എല്‍ഡിഎഫ് സ്ഥാനാര്‍ത്ഥിയായി കെവി ഷെഹീറും,യുഡിഎഫ് സ്ഥാനാര്‍ത്ഥിയായി അഷ്ഹര്‍ പെരുമുക്കും മത്സരിക്കും

യുഡിഎഫും എല്‍ഡിഎഫും ജില്ലാ പഞ്ചായത്ത് ചങ്ങരംകുളം ഡിവിഷന്‍ സ്ഥാനാര്‍ത്ഥികളെ പ്രഖ്യാപിച്ചതോടെ തെരെഞ്ഞെടുപ്പ് പ്രചരണത്തിന് ചൂടേറി.എല്‍ഡിഎഫ് സ്ഥാനാര്‍ത്ഥിയായി ആലംകോട് ഗ്രാമപഞ്ചായത്ത് പ്രസിഡന്റ് കൂടിയായ കെവി ഷെഹീറിനെയാണ് സിപിഎം പ്രഖ്യാപിച്ചത്,യുഡിഎഫ് ആകട്ടെ എംഎസ്എഫ് സംസ്ഥാന ട്രഷറര്‍ കൂടിയായ അഷ്ഹര്‍ പെരുമുക്കിനെയാണ് സ്ഥാനാര്‍ത്ഥിയായി പ്രഖ്യാപിച്ചിരിക്കുന്നത്.കഴിഞ്ഞ തവണ എല്‍ഡിഎഫ് പ്രതിനിധി ആരിഫാ നാസര്‍ ആണ് ചങ്ങരംകുളം ഡിവിഷനില്‍ ജയിച്ച് ജില്ലാ പഞ്ചായത്ത് മെമ്പര്‍ ആയത്.എല്‍ഡിഎഫ് സിറ്റിങ് സീറ്റ് നില നിര്‍ത്താനും യുഡിഎഫ് എല്‍ഡിഎഫില്‍ നിന്ന് സീറ്റ് പിടിച്ചെടുക്കാനും ആയി കളത്തിലിറക്കിയ സ്ഥാനാര്‍ത്ഥികള്‍ ഇതിനോടകം പ്രചരണ രംഗത്തും സജീവമായിട്ടുണ്ട്.ബിജെപി ജില്ലാ പഞ്ചായത്തിലേക്ക് വൈകിയിട്ടോടെ സ്ഥാനാര്‍ത്ഥികളെ പ്രഖ്യാപിച്ചേക്കും