വീണ് കിട്ടിയ സ്വർണ്ണാഭരണം ഉടമയെ കണ്ടെത്തി തിരിച്ച് നൽകി ആലംകോട് സ്വദേശി

ചങ്ങരംകുളം:കുറ്റിപ്പാലയില്‍ നിന്ന് ചങ്ങരംകുളം വരെയുള്ള യാത്രക്കിടയിൽ നഷ്ടപ്പെട്ട സ്വര്‍ണ്ണാഭരണം ഉടമയെ കണ്ടെത്തി തിരിച്ച് നല്‍കി.ചങ്ങരംകുളം മാട്ടം സ്വദേശിനിയായ അയ്യംകുളങ്ങര ഷഹല എന്നിവരുടെ മുക്കാൽ പവൻ തൂക്കം വരുന്ന സ്വർണ്ണ വളയാണ് യാത്രക്കിടയില്‍ നഷ്ടപ്പെട്ടത്.ആലംകോട് സ്വദേശി ചാലയിൽ പുരയിടം അബൂബക്കറിന് മാമാണിപ്പടിയിൽ നിന്നാണ് സ്വര്‍ണ്ണാഭരണം വീണ് കിട്ടിയത്.വഴിയില്‍ നിന്ന് കിട്ടിയ സ്വര്‍ണ്ണാഭരണം അബൂബക്കര്‍ ആലംകോട് മഹല്ല് ഖത്തീബ് അബ്ദുൽ റഹീം സഅദിയെ ഏൽപ്പിച്ചു.ആഭരണം വീണ് കിട്ടിയ വിവരം വാട്സപ്പ് ഗ്രൂപ്പുകള്‍ വഴി അറിയിച്ചതോടെ ആഭരണത്തിന്റെ ഉടമ തേടിയെത്തുകയായിരുന്നു.തുടര്‍ന്ന് ആഭരണം ഉടമക്ക് കൈമാറുകയും ചെയ്തു