അഖിലേന്ത്യ എൻ.സി.വി.ടി ട്രേഡ് ടെസ്റ്റ് പാസ്സ് ആയ കുട്ടികളുടെ സർട്ടിഫിക്കറ്റ് വിതരണവും ഉന്നത വിജയം നേടിയ കുട്ടികളെ അനുമോദിക്കൽ ചടങ്ങും നടന്നു

എടപ്പാൾ:അഖിലേന്ത്യ ട്രേഡ് ടെസ്റ്റ് വിജയികളെ അനുമോദിക്കാനും സർട്ടിഫിക്കറ്റ് വിതരണം ചെയ്യുന്നതിനും വേണ്ടി അഖിലേന്ത്യാ തലത്തിൽ നടക്കുന്ന കോൺവെക്കേഷൻ സെറിമണിയുടെ ഭാഗമായി നാഷണൽ ഐടിഐയിൽ അഖിലേന്ത്യ എൻ സി വി ടി ട്രേഡ് ടെസ്റ്റ് പാസ്സ് ആയ കുട്ടികളുടെ സർട്ടിഫിക്കറ്റ് വിതരണവുംഎൻസിവിടി, കെജിസിഇ പരീക്ഷകളിൽ ഉന്നത വിജയം നേടിയ കുട്ടികളെ അനുമോദിക്കൽ ചടങ്ങും നടത്തി.മലപ്പുറം ജില്ലാ പഞ്ചായത്ത് പ്രസിഡണ്ട് റഫീഖ ഉദ്ഘാടനം ചെയ്തു.വിവരസാങ്കേതിക രംഗത്ത് ലോകം അതിവേഗം അനുദിനം വളരുന്ന സാഹചര്യത്തിലും സാങ്കേതിക മേഖലയിൽ ലോകത്ത് തൊഴിലവസരം ധാരാളമാണെന്ന് എം കെ റഫീഖ പറഞ്ഞു.ഐ.ടി.ഐ. പ്രിൻസിപ്പൽ അർജുൻ അധ്യക്ഷനായ ചടങ്ങിൽ ഉന്നത വിജയം നേടിയവർക്ക് പുരസ്കാരങ്ങൾ വട്ടകുളം പഞ്ചായത്ത് പ്രസിഡണ്ട് എം എ.നജീബ് വിതരണം ചെയ്തു.ഇബ്രാഹിം മൂതൂർ, കെ കെ ശ്രീനിവാസൻ,ഗോപകുമാർ, ലിസിയ എന്നിവർ സംസാരിച്ചു.അഷ്റഫ് രാങ്ങാട്ടൂർ നേതൃത്വം നൽകുന്ന മോട്ടിവേഷൻ ക്ലാസും ബൂസ്റ്റ് ദ കോൺഫിഡൻസ് പ്രോഗ്രാമും നടത്തി.