ലീ​ഡും വിജയവും കൈവിട്ടു; ലാ ലി​ഗയിൽ തോറ്റുതുടങ്ങി അത്ലറ്റികോ മാഡ്രിഡ്

പുതിയ ലാ ലി​ഗ സീസണിൽ അത്ലറ്റികോ മാഡ്രിഡിന് തോൽവിയോടെ തുടക്കം. എസ്പാന്യോളിനെതിരെ നടന്ന ആദ്യ മത്സരത്തിൽ ഒന്നിനെതിരെ രണ്ട് ​ഗോളുകൾക്കാണ് അത്ലറ്റികോ പരാജയം വഴങ്ങിയത്. ഒരു ​ഗോളിന് മുന്നിട്ടുനിന്ന ശേഷമായിരുന്നു അത്ലറ്റികോ അടിയറവ് പറഞ്ഞത്.എസ്പാന്യോളിന്റെ തട്ടകത്തിൽ നടന്ന പോരാട്ടത്തിൽ അത്ലറ്റികോ മാഡ്രിഡാണ് ആദ്യം ലീഡെടുത്തത്. 37-ാം മിനിറ്റിൽ സൂപ്പർ താരം ജൂലിയൻ അൽവാരസാണ് അത്ലറ്റികോയെ മുന്നിലെത്തിച്ചത്. ആദ്യപകുതിയിൽ ഈ ലീഡ് കാത്തുസൂക്ഷിക്കാനും അത്ലറ്റികോയ്ക്ക് സാധിച്ചു.എന്നാൽ രണ്ടാം പകുതിയിൽ എസ്പാന്യോളിന്റെ തിരിച്ചുവരവാണ് കണ്ടത്. 73-ാം മിനിറ്റിൽ മി​ഗ്വൽ റൂബിയോയിലൂടെ എസ്പാന്യോൾ ഒപ്പമെത്തി. 84-ാം മിനിറ്റിൽ‌ പെര മില്ല എസ്പാന്യോളിന്റെ വിജയ​ഗോളും നേടി.