പാലസ്തീൻ ജനതക്ക് ഐക്യദാർഢ്യം പ്രഖ്യാപിച്ച് അസ്സബാഹ് ആർട്സ് ആൻഡ് സയൻസ് കോളേജില്‍ ‘സ്കിപ്പ് എ മീൽ’ എന്ന പേരിൽ ഉപവാസ സമരം സംഘടിപ്പിച്ചു.

ചങ്ങരംകുളം:ഗാസയിലെ യുദ്ധക്കെടുതിയിൽ ദുരിതമനുഭവിക്കുന്ന പാലസ്തീൻ ജനതക്ക് ഐക്യദാർഢ്യം പ്രഖ്യാപിച്ച് അസ്സബാഹ് ആർട്സ് ആൻഡ് സയൻസ് കോളേജിലെ എൻ.എസ്.എസ് യൂണിറ്റ് ‘സ്കിപ്പ് എ മീൽ’ എന്ന പേരിൽ ഒരു ദിവസത്തെ ഉപവാസ സമരം സംഘടിപ്പിച്ചു. “അവരുടെ വിശപ്പിൽ പങ്കുചേരു, ഐക്യദാർഢ്യം പ്രഖ്യാപിക്കൂ” എന്ന മുദ്രാവാക്യമുയർത്തിക്കൊണ്ട് നടന്ന ഈ പരിപാടിയിൽ വിദ്യാർത്ഥികളും അധ്യാപകരും പങ്കെടുത്തു.കോളേജ് പോർട്ടിക്കോയിൽ രാവിലെ 10 മണിക്ക് ആരംഭിച്ച ഉപവാസം പ്രിൻസിപ്പൽ മുഹമ്മദ്‌ കോയ.എം.എൻ ഉദ്ഘാടനം ചെയ്തു.സമാപന പരിപാടികൾക്ക് വൈസ് പ്രിൻസിപ്പാൾ ഡോ. ബൈജു എം. കെ നേതൃത്വം നൽകി.ഗാസയിലെ യുദ്ധക്കെടുതിയിൽ ദുരിതമനുഭവിക്കുന്ന സാധാരണ ജനങ്ങൾക്ക് പിന്തുണ അറിയിച്ചു കൊണ്ടുള്ള വിവിധ പരിപാടികളും ചടങ്ങിൽ നടന്നു.പരിപാടിയുടെ ഭാഗമായി നടന്ന ആന്റി-വാർ കൺവെൻഷനിൽ യുദ്ധവിരുദ്ധ പ്രമേയങ്ങൾ അവതരിപ്പിച്ചു.പരിപാടികൾക് എൻ.എസ്.എസ് പ്രോഗ്രാം ഓഫിസർ അബ്ദുൽ റഹ്‌മാൻ. പി, അധ്യാപകരായ പ്രവീൺ.കെ.യു,ആസിഫ് ജിപ്സി,ഹംസ,അഫീഫ, ഷാജിത, ശോഭ ,ഷഫീക് നിലമ്പുർ, അൻസിഫ്, അൻഷാദ് തുടങ്ങിയവർ നേതൃത്വം നൽകി