ഒഡീഷയിലെ കഞ്ചാവ് മൊത്ത കച്ചവട സംഘം കളമശേരിയിൽ പിടിയിലായി. ഏഴംഗ സംഘമാണ് വൻ കഞ്ചാവ് ശേഖരവുമായി പിടിയിലായത്. ഇവരുടെ കൈവശമുണ്ടായിരുന്ന 7 ട്രോളി ബാഗുകളിൽ നിന്നായി 57 കിലോഗ്രാം കഞ്ചാവ് പൊലീസ് പിടിച്ചെ‌ടുത്തു. ജില്ലാ ഡാൻസാഫ് ടീമാണ് റെയിൽവേ സ്റ്റേഷനിൽ വച്ച് ഇവരെ കീഴ്ത്തിപ്പെടുത്തിയത്
ഒഡീഷയിലെ കഞ്ചാവ് മാഫിയ അംഗമായ സുധീറ ബത്രയും സംഘാംഗങ്ങളുമാണ് പിടിയിലായത്. ട്രോളി ബാഗുകളിൽ പ്ലാസ്റ്റിക്ക് പൊതികളിൽ നിറച്ച രീതിയിലാണ് കഞ്ചാവ് കണ്ടെത്തിയത്. ഓരോ ട്രോളി ബാഗിലും 5 മുതൽ 7 വരെ പൊതികളാണ് ഉണ്ടായിരുന്നത്. നീല, പച്ച, കറുപ്പ് തുടങ്ങിയ നിറങ്ങളിലുള്ള ട്രോളി ബാഗുകളിലാണ് ഇവർ കഞ്ചാവ് കടത്തിയത്. പ്രതികളെ വൈകാതെ കോടതിയിൽ ഹാജരാക്കും. ആർക്ക് വേണ്ടിയാണ് കഞ്ചാവ് കൊണ്ടുവന്നത് എന്നതടക്കം പൊലീസ് പരിശോധിക്കുകയാണ്
