സഖാവ് കുട്ടൻ നായർ സ്മാരക പുരസ്കാരം പ്രശസ്ത കാഥികൻ തൃക്കുളം കൃഷ്ണൻ കുട്ടിയ്ക്ക്

ചങ്ങരംകുളം:കഴിഞ്ഞ ഒരു പതിറ്റാണ്ടിലതികമായി മേഖലയിലെ രാഷ്ട്രീയ സാംസ്കാരിക ജീവകാരുണ്യ മേഖലയിലെ നിറ സാനിധ്യമായ സഖാക്കൾ വാട്സപ് കൂട്ടായ്മയുടെ നാലാമത്കുട്ടൻ നായർ പുരസ്കാരത്തിന് പഴയകാല കഥാപ്രാസംഗികൻ തൃക്കുളം കൃഷ്ണൻ കുട്ടിയെ തിരഞ്ഞെടുത്തതായി ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.പ്രൊഫസർ എം എം നാരായണൻ മാസ്റ്റർ,ആലംകോട് ലീലാകൃഷ്ണന്‍,പി ജോതിഭാസ് എന്നിവർ അടങ്ങുന്ന ജൂറിയാണ് അവാര്‍ഡ് ജേതാവിനെ തിരഞ്ഞെടുത്തത്.ജൂലൈ 29ന് വൈകിട്ട് 3 മണിക്ക് ചങ്ങരംകുളം സ്നേഹ ഓഡിറ്റോറിയത്തി നടക്കുന്ന കുട്ടന്‍ നായര്‍ അനുസ്മരണ ചടങ്ങില്‍ മുൻമന്ത്രി പാലോളി മുഹമ്മദ്കുട്ടി പുരസ്കാരം സമ്മാനിക്കും.പി നന്ദകുമാർ എംഎല്‍എ ചടങ്ങില്‍ അധ്യക്ഷത വഹിക്കും.രാഷ്ട്രീയ സാംസ്കാരിക രംഗത്തെ പ്രമുഖ വെക്തികൾ പരിപാടിയില്‍ പങ്കെടുക്കും.കേരള സാഹിത്യ അക്കാദമിയുടെ സമഗ്ര സംഭാവനയ്ക്കുളള പുരസ്കാരം ലഭിച്ച എം എം നാരായണൻ മാസ്റ്ററെയും,പത്മപ്രഭാ പുരസ്കാരം ലഭിച്ച ആലംകോട് ലീലാകൃഷ്ണനെയും വേദിയിൽ ആദരിക്കും.തുടര്‍ന്ന് പ്രമുഖ ഗായകന്‍ ഷിഹാബ് പാലപ്പെട്ടി നയിക്കുന്ന സംഗീത നിഷയും ഗസൽ സന്ധ്യയും ഉണ്ടായിരിക്കുന്ന് സംഘാടകര്‍ അറിയിച്ചു.സംഘാടക സമിതി ഭാരവാഹികളിയ ടി സത്യൻ,കരീം കോഴിക്കൽ, മിസ്രിയ സൈഫുദ്ദീൻ,അൻവർ പെരുമ്പാൾ,ആരിഫ നാസർ തുടങ്ങിയവര്‍ വാർത്താസമ്മേളനത്തിൽ പങ്കെടുത്തു