ഉപജില്ലാ കലാമേളക്ക് വര്‍ണ്ണാഭമായ സമാപനം’എടപ്പാൾ ഗവ ഹയർ സെക്കണ്ടറി സ്കൂളിന് കലാകിരീടം

എടപ്പാള്‍: ഉപജില്ലാ കലോത്സവത്തില്‍ ഹയര്‍ സെക്കന്‍ഡറി വിഭാഗത്തില്‍ ജി.എച്ച്.എസ്.എസ്.എടപ്പാള്‍ 266 പോയന്റോടെ ഒന്നാം സ്ഥാനം നേടി.249 പോയന്റ് നേടിയ മോഡേണ്‍ എച്ച്.എസ്.എസ്. പോട്ടൂര്‍ രണ്ടാം സ്ഥാനവും 242 പോയന്റ് നേടിയ ദാറുല്‍ ഹിദായ ഹയര്‍ സെക്കന്‍ഡറി സ്കൂള്‍ പൂക്കരത്തറ മൂന്നാം സ്ഥാനവും നേടി.ഹൈസ്കൂള്‍ വിഭാഗത്തില്‍ 240 പോയന്റ് നേടിയ ദാറുല്‍ ഹിദായ ഹയര്‍ സെക്കന്‍ഡറി സ്കൂള്‍ പൂക്കരത്തറ ഒന്നാം സ്ഥാനവും 219 പോയന്റ് നേടിയ മോഡേണ്‍ എച്ച്.എസ്.എസ്. പോട്ടൂര്‍ രണ്ടാം സ്ഥാനവും 202 പോയന്റ് നേടിയ പി.സി.എന്‍.ജി.എച്ച്.എസ്.എസ്.മൂക്കുതല മൂന്നാം സ്ഥാനവും നേടി.യു.പി.വിഭാഗത്തില്‍ 90 പോയന്റ് നേടിയ വി.പി.യു.പി.സ്കൂള്‍ കാലടി ഒന്നാം സ്ഥാനവും 78 പോയന്റ് നേടിയ മോഡേണ്‍ എച്ച്.എസ്.എസ്.പോട്ടൂര്‍ രണ്ടാം സ്ഥാനവും 76 പോയന്റ് നേടിയ എ.യു.പി.എസ്.നെല്ലിശ്ശേരി മൂന്നാം സ്ഥാനവും നേടി.എല്‍.പി.വിഭാഗത്തില്‍ 65 പോയന്റ് നേടി മോഡേണ്‍ എച്ച്.എസ്.എസ്. പോട്ടൂരും ജനത എ.എല്‍.പി.സ്കൂള്‍ ആലംകോടുംഒന്നാം സ്ഥാനം പങ്കിട്ടെടുത്തു.58 പോയന്റ് നേടി എസ്.എം. സ്കൂള്‍ ചങ്ങരംകുളം രണ്ടാം സ്ഥാനവും 57 പോയന്റ് നേടി എ.എല്‍.പി.എസ്.അതളൂര്‍ മൂന്നാം സ്ഥാനവും നേടി.സമാപന സമ്മേളനം എടപ്പാള്‍ ഉപജില്ലാ വിദ്യാഭ്യാസ ഓഫീസർ ഹൈദരലി .പി വി ഉദ്ഘാടനം ചെയ്തു.ബിനീഷ് ടി.പി അധ്യക്ഷത വഹിച്ചു.പൊന്നാനി സി.ഐ.അബ്ദുൾ ജലീൽ,എ.വി.സുഭാഷ്,മുഹമ്മദ് ജലീൽ പി,കെ,അബ്ദുൾ അസീസ് സി.വി,മണികണ്ഠൻ സി.വി,വിനോദ് കുമാർ പി.കെ,ഹരിദാസൻ.സി,ഹമീദ് വി.,ബീനമോൾ.എൻ.എസ്,അനീഷ് എം .എ.,ഷൈസൻ ജെ. പാലക്കൽ,പി.വി. മുഹമ്മദ് മൗലവി,പി. ഹസ്സൻ മൗലവി,എൻ.മൊയ്തുണ്ണി,എം.കെ യൂനസ്, മുസ്തഫ തണ്ണീർക്കോട്,മുഹമ്മദ് കുട്ടി ഗ്രാന്റ്, കമ്മുണ്ണി വെറൈറ്റി തുടങ്ങിയവര്‍ പങ്കെടുത്തു.