സ്നേഹത്തിൻ്റേയും സംസ്കാരത്തിൻ്റേയും മൂല്യങ്ങൾ ഉൾക്കൊള്ളാന്‍ വിദ്യാലയങ്ങളിലൂടെ കഴിയണം:ആലങ്കോട് ലീലാകൃഷ്ണൻ

ചങ്ങരംകുളം:വായിച്ച് വളരാനും സ്നേഹത്തിൻ്റേയും സംസ്കാരത്തിൻ്റേയും മൂല്യങ്ങൾ ഉൾക്കൊള്ളാനും പ്രചോദനമേകുന്ന വിജ്ഞാന കേന്ദ്രങ്ങളാകണം വിദ്യാലയങ്ങളെന്ന് കവിയും പ്രഭാഷകനുമായ ആലങ്കോട് ലീലാകൃഷ്ണൻ അഭിപ്രായപ്പെട്ടു.തൻ്റെ ഗ്രാമത്തിലെ ആലങ്കോട് ജനത എ.എൽ.പി.സ്കൂളിൽ വായനാദിനത്തോടനുബന്ധിച്ച് നടന്ന പരിപാടികൾ ഉദ്ഘാടനം ചെയ്യുകയായിരുന്നു അദ്ദേഹം.പ്രധാനാധ്യാപിക എൻ.എസ്.ബീനമോൾ അധ്യക്ഷത വഹിച്ചു.അടാട്ട് വാസുദേവൻ,
അനിയൻ ആലങ്കോട്,സുലൈമാൻ പെരുമുക്ക്,
റസാഖ് അരിക്കാട്,
ശ്രീജിത്ത് എലിയപ്ര,
എ. മഹേഷ്കുമാർ തുടങ്ങിയവർ പ്രസംഗിച്ചു.എൽ.എസ്.എസ്.വിജയികളായ പതിനഞ്ച് വിദ്യാർത്ഥികളെ അനുമോദിക്കുകയും, വായനാ മുറിയിലേക്കുള്ള പുസ്തകങ്ങളും പത്രങ്ങളും ചടങ്ങിൽ വെച്ച് ഏറ്റുവാങ്ങുകയും ചെയ്തു.