ചങ്ങരംകുളം ചിയ്യാനൂരില്‍ മതില്‍ വീടിന് മുകളിലേക്ക് വീണ് വീട് ഭാഗികമായി തകര്‍ന്നു

ചങ്ങരംകുളം:കനത്ത മഴയില്‍ ചിയ്യാനൂരില്‍ മതില്‍ വീടിന് മുകളിലേക്ക് വീണ് വീട് ഭാഗികമായി തകര്‍ന്നു.ചങ്ങരംകുളം ചിയ്യാനൂരില്‍ കോട്ടയില്‍ ക്ഷത്രത്തിനടുത്ത് ശനിയാഴ്ച ഉച്ചയോടെയാണ് സംഭവം.മുതിരംപറമ്പത്ത് വിജി സുരേഷ് ബാബു ദമ്പതികളുടെ വീടാണ് തകര്‍ന്നത്.മുതിരംപറമ്പത്ത് വിജി സുരേഷ് ബാബു ദമ്പതികളുടെ വീടാണ് തകര്‍ന്നത്.ഓട്ടോ തൊഴിലാളിയായ ബാബും ഭാര്യ വിജിയും അസുഖ ബാധിച്ച അമ്മയും രണ്ട് മക്കളും അടങ്ങുന്ന കുടുംബമാണ് ഇവിടെ താമസിച്ചിരുന്നത്.അപകട സമയത്ത് വീട്ടില്‍ ആരും ഇല്ലാതിരുന്നതിനാല്‍ കുടുംബം പരിക്കേല്‍ക്കാതെ രക്ഷപ്പെടുകയായിരുന്നു. വീടിനോട് ചേര്‍ന്ന് ഉയര്‍ന്ന് നില്‍ക്കുന്ന സ്വകാര്യ വ്യക്തിയുടെ മതിലാണ് വീടിന് മുകളിലേക്ക് ഇടിഞ്ഞ് വീണത്.വീടിന്റെ അടുക്കളയുടെ ചുമരും വാതിലും അടക്കം തകര്‍ന്ന് വീണിട്ടുണ്ട്.മറ്റു ഭിത്തികള്‍ക്കും വിള്ളല്‍ വീണിട്ടുണ്ട്.മുമ്പ് മതില്‍ ഒരു ഭാഗം തകര്‍ന്നിരുന്നതായും അപ്പോള്‍ തന്നെ പഞ്ചായത്തില്‍ പരാതി നല്‍കിയതായും സുരേഷ് ബാബു പറയുന്നു.സ്ഥലത്തിന്റെ ഉടമയോടും അപകടാവസ്ഥ ബോധ്യപ്പെടുത്തിയതാണെന്നും ഒരു വിധത്തിലുള്ള നടപടിയും ഉണ്ടായില്ലെന്നും ബാബു പറഞ്ഞു.ഇപ്പോ വീട്ടില്‍ താമസിക്കാന്‍ കഴിയാത്ത അവസ്ഥയാണെന്നും ബാക്കി ഭാഗം ഏത് നിമിഷവും തകര്‍ന്ന് വീഴുന്ന അവസ്ഥയാണെന്നും നടപടി ഉണ്ടാവണമെന്നും ബാബു പറഞ്ഞു