ജോലി കഴിഞ്ഞ് വീട്ടിലെത്തിയില്ല; മകൾ അന്വേഷിച്ചെത്തിയപ്പോൾ ഡ്രൈവറായ അച്ഛൻ ബസിനുള്ളിൽ മരിച്ച നിലയിൽ

വടക്കഞ്ചേരി: കോളേജ് ബസ് ഡ്രൈവർ ബസിനുള്ളിൽ മരിച്ച നിലയിൽ. കിഴക്കഞ്ചേരി നായർകുന്ന് നാരായണ(64)നെയാണ് മരിച്ച നിലയിൽ കണ്ടെത്തിയത്. വടക്കഞ്ചേരി ദേശീയപാതയോരത്തെ ഇന്ത്യൻ ഓയിൽ പെട്രോൾ പമ്പിന് സമീപം നിർത്തിയിട്ടിരുന്ന ബസിനകത്ത് നിന്നാണ് മൃതദേഹം കണ്ടെത്തിയത്. വടക്കഞ്ചേരി പൊലീസ് സ്ഥലത്തെത്തി. ജോലി കഴിഞ്ഞ് വീട്ടിലെത്താത്തതിനെ തുടർന്ന് മകൾ അന്വേഷിച്ച് എത്തിയപ്പോഴാണ് വാഹനത്തിനുള്ളിൽ മരിച്ച നിലയിൽ കണ്ടത്. പാലക്കാട് മങ്കരയിലുള്ള സ്വകാര്യ കോളേജ് ബസിലെ ഡ്രൈവർ ആണ്.