ഭൂമിയിൽ മാറ്റം വരുത്താൻ മനുഷ്യർക്കവകാശമില്ല:ആലങ്കോട് ലീലാകൃഷ്ണൻ

ചങ്ങരംകുളം :പ്രകൃതിയിൽ അനാവശ്യ ഇടപെടലുകൾ നടത്തി ദൈവ നിശ്ചിത സ്വഭാവത്തിൽ നിന്നും ഭൂമിക്ക് ഒരു വിധ മാറ്റവും വരുത്താൻ മനുഷ്യർക്ക വകാശമില്ലന്നും വരും തലമുറക്ക് വേണ്ടി പരിസ്ഥിതി സംരക്ഷിച്ചു പരിപാലിക്കുന്നത് വിദ്യാർത്ഥി സമൂഹത്തിന്റെ കൂടി ഉത്തരവാദിത്വമാണെന്നും വിശുദ്ധ വചനങ്ങൾ ഉദ്ധരിച്ചു സാഹിത്യകാരൻ ആലങ്കോട് ലീലാകൃഷ്ണൻ അഭിപ്രായപ്പെട്ടു.സർക്കാർ ശ്രമങ്ങൾക്കൊപ്പം പൗരസമൂഹത്തിൻ്റെ പങ്കാളിത്തവും പ്രധാനമാണെന്നും അദ്ദേഹം പറഞ്ഞു.പരിസ്ഥിതി ദിനാചരണ ഭാഗമായി പന്താവൂർ ഇർശാദ് ഇംഗ്ലീഷ് സ്കൂൾ എക്കോ ക്ലബ്ബിന്റെ ആഭിമുഖ്യത്തിൽ മലപ്പുറം, പാലക്കാട്, തൃശൂർ ജില്ലകളിലെ മുവ്വായിരത്തോളം വീടുകളിൽ വൃക്ഷത്തൈകൾ വളർത്തുന്ന ബ്രഹത് പദ്ധതിയുടെ ഉദ്ഘാടനം നിർവ്വഹിക്കു കയായിരുന്നു അദ്ദേഹം.കൃഷിഭവനുമായി ചേർന്ന് നടപ്പാക്കുന്ന
പദ്ധതിയിൽ പരിസ്ഥിതി ബോധവത്കരണം , ശുചീകരണം ,അടുക്കളത്തോട്ടം , സംഘ കൃഷി,
മരം നടൽ , പ്ലാസ്റ്റിക് മുക്ത പരിസരം
എന്നിവയാണ് ഉൾപ്പെടുന്നത്.ക്ലബ് അംഗങ്ങളും അദ്ധ്യാപകരും തവനൂർ കാർഷിക കോളജ് സന്ദർശിക്കുകയും കൃഷി ശാസ്ത്രജ്ഞൻ ഡോ. പി കെ അബ്ദുൽ
ജബ്ബാറുമായി വിശദമായി സംവദിക്കുകയും ചെയ്തിരുന്നു.
ചടങ്ങുകളിൽ ഇർശാദ് കേന്ദ്രകമ്മിറ്റി ഭാരവാഹികളായ കെ. സിദ്ദീഖ് മൗലവി അയിലക്കാട്,വാരിയത്ത് മുഹമ്മദലി , ഹസൻ നെല്ലിശ്ശേരി , പി പി നൗഫൽ സഅദി
സ്കൂൾ പ്രൻസിപ്പൽ കെ എം ശരീഫ് ബുഖാരി , പി അബ്ദുസ്സലീം,ഹബീബുറഹ്മാൻ സഖാഫി , ടി സി അബ്ദുറഹിമാൻ ,
ഇ വി മുഹമ്മദ് കുട്ടി പങ്കെടുത്തു.