പാലക്കാട്: പാലക്കാട് ഒറ്റപ്പാലത്ത് വന്‍മോഷണം. ഈസ്റ്റ് ഒറ്റപ്പാലം ജുമാമസ്ജിദിന്റെ ഓഫീസിനകത്ത് സൂക്ഷിച്ചിരുന്ന അഞ്ചര ലക്ഷത്തോളം രൂപ മോഷണം പോയി. ബലിപെരുന്നാളുമായി ബന്ധപ്പെട്ട് ലഭിച്ച സംഭാവന തുകയാണ് മോഷണം പോയത്. സംഭവത്തിൽ പ്രതി പിടിയിലായി. കാഞ്ഞിരക്കടവ് സ്വദേശി അബൂബക്കറാണ് പിടിയിലായത്. മണ്ണാർക്കാടിൽ നിന്നാണ് ഇയാളെ ഒറ്റപ്പാലം പൊലീസ് പിടികൂടിയത്.
ഇന്ന് പുലര്‍ച്ചയായിരുന്നു സംഭവം നടന്നത്. ഒറ്റപ്പാലം പൊലീസിന്‌റെ നേതൃത്വത്തില്‍ നടത്തിയ പരിശോധനയില്‍ ഓഫീസ് മുറിക്ക് അകത്തെ സിസിടിവി നശിപ്പിച്ചതായി കണ്ടെത്തി. എന്നാൽ പള്ളി പരിസരത്തെ മറ്റൊരു സിസിടിവിയില്‍ നിന്ന് മോഷ്ടാവിന്റേതെന്ന് കരുതുന്ന ദൃശ്യങ്ങള്‍ പൊലീസ് സംഘത്തിന് ലഭിച്ചിരുന്നു. തുടർന്ന് നടത്തിയ അന്വേഷണത്തിലാണ് പ്രതിയെ പിടികൂടിയത്.
