കൊച്ചനൂര്‍ സ്വദേശിയെ അടച്ചിട്ട വീട്ടിൽ മരിച്ച നിലയിൽ കണ്ടെത്തി

കുന്നംകുളം:കൊച്ചനൂര്‍ സ്വദേശിയെ അടച്ചിട്ട വീട്ടിൽ മരിച്ച നിലയിൽ കണ്ടെത്തി.കൊച്ചന്നൂർ പരേതനായ അങ്ങാടി പറമ്പിൽ അയ്യപ്പൻ മകൻ ആനന്ദൻ (47) നെ യാണ് തൂങ്ങി
മരിച്ച നിലയിൽ കണ്ടെത്തിയത്.കൊച്ചന്നൂർ അങ്ങാടി പറമ്പ് സലഫി മസ്ജിദിൻ കിഴക്ക് ഭാഗത്തെ വർഷങ്ങളോളമായി താമസമില്ലാതെ അടച്ചിട്ടിരുന്ന ഓടിട്ട തറവാട്ട് വീട്ടിലാണ് സംഭവം. ആനന്ദനും ഭാര്യയും മണികണ്ഠേശ്വരത്തെ വാടകവീട്ടിലാണ് താമസം. കേബിൾ ടിവി ടെക്നീഷ്യൻ ജോലി ചെയ്തിരുന്ന ആനന്ദൻ ഇന്നലെ ജോലിക്ക് പോയതിനു ശേഷം തിരികെ വാടകവീട്ടിൽ എത്തിയിരുന്നില്ല.ഫോണിൽ ബന്ധപ്പെടാൻ ശ്രമിച്ചിരുന്നെങ്കിലും മറുപടി ലഭിക്കാത്തതിനെത്തുടർന്ന് ഭാര്യ പിതാവും മകനും ചേർന്ന് നടത്തിയ തിരച്ചിലിലാണ് രാത്രി 11 മാണിയോടെ തറവാട് വീട്ടിൽ തൂങ്ങി മരിച്ച നിലയിൽ കണ്ടെത്തിയത്.തുടർന്ന് പോലീസിനെ വിവരം അറിയിക്കുകയായിരുന്നു.മേൽ നടപടികൾക്ക് ശേഷം മൃതദേഹം കുന്നംകുളം താലൂക്ക് ആശുപത്രിയിലേക്ക് മാറ്റി.പോസ്റ്റ്മോർട്ടത്തിനുശേഷം പുന്നയൂർക്കുളം പരൂർ നിദ്രാലയത്തിൽ സംസ്കാരം നടത്തും.നീതുവാണ് ഭാര്യ. ബാബു,രാധ എന്നിവർ സഹോദരങ്ങളാണ്.