പൊട്ടിവീണ വൈദ്യുതി കമ്പിയില്‍ ചവിട്ടിയ പോത്ത് ഷോക്കേറ്റ് ചത്തു’വീട്ടുകാര്‍ രക്ഷപ്പെട്ടത് തലനാരിഴക്ക്

ചങ്ങരംകുളം:പൊട്ടിവീണ വൈദ്യുതി കമ്പിയില്‍ ചവിട്ടിയ പോത്ത് ഷോക്കേറ്റ് ചത്തു.ചങ്ങരംകുളം പള്ളിക്കര നെച്ചിക്കല്‍ മുഹമ്മദിന്റെ വീട്ടിലെ പോത്താണ് ഷോക്കേറ്റ് ചത്തത്.ബുധനാഴ്ച കാലത്ത് 10 മണിയോടെയാണ് സംഭവം.മുഹമ്മദിന്റെ വീട്ടില്‍ വളര്‍ത്തിയിരുന്നപോത്തിന് 150 കിലോയിലതികം തൂക്കമുണ്ടായിരുന്നു.വീടിന് സമീപത്ത് കൂടി കടന്ന് പോയിരുന്ന വൈദ്യുതി ലൈനാണ് കനത്ത കാറ്റിലും മഴയിലും പൊട്ടിവീണത്.കാലത്ത് തീറ്റ കൊടുക്കുന്നതിനായി പുറത്തിറക്കിയ പോത്ത് ഷോക്കേറ്റ് വീഴുകയായിരുന്നു.പോത്തിനെ വയലിലേക്ക് ഇറക്കുന്നതിനായി പുറത്തിറങ്ങിയ വീട്ടുകാര്‍ തലനാരിഴക്ക് അപകടത്തില്‍ നിന്ന് രക്ഷപ്പെടുകയായിരുന്നു.കെഎസ്ഇബി ഉദ്ധ്യോഗസ്ഥരും വെറ്റിനറി ഡോക്ടറും അടക്കമുള്ളവര്‍ സ്ഥലത്ത് എത്തി മേല്‍നടപടികള്‍ സ്വീകരിച്ചു