എ പ്ലസ് വിദ്യാർത്ഥികൾക്ക് സൗജന്യ ഹയർസെക്കൻഡറി പഠനം ഒരുക്കും:അസബാഹ് അസോസിയേഷൻ ട്രസ്റ്റ്‌

ചങ്ങരംകുളം:കഴിഞ്ഞ എസ്എസ്എൽസി പരീക്ഷയിൽ എല്ലാ വിഷയങ്ങൾക്കും എ പ്ലസ് ലഭിച്ച വിദ്യാർഥികൾക്ക് വളയംകുളം എം വി എം ഹയർ സെക്കൻഡറി സ്കൂളിൽ പൂർണ്ണമായും സൗജന്യമായി പഠനസൗകര്യം ഒരുക്കുന്നതിന് അസബാഹ് അസോസിയേഷൻ ട്രസ്റ്റ് യോഗം തീരുമാനിച്ചു.മിടുക്കരായ വിദ്യാർഥികൾക്ക് പഠനകാര്യത്തിൽ പ്രോത്സാഹനം നൽകുക എന്ന ലക്ഷ്യത്തോടെയാണ് എസ്എസ്എൽസി പരീക്ഷയിൽ മികവുപുലർത്തിയ കുട്ടികൾക്ക് ഫീസ് പൂർണ്ണമായും സൗജന്യമായി നൽകുന്നത്. ട്രസ്റ്റ് യോഗത്തിൽ ചെയർമാൻ കെ പി അബ്ദുൽ അസീസ് അധ്യക്ഷം വഹിച്ചു.ഡോക്ടർ അബ്ദുൽ ഹസീബ് മദനി ഉദ്ഘാടനം ചെയ്തു.കുഞ്ഞുമുഹമ്മദ് പന്താവൂർ വി മുഹമ്മദുണ്ണി ഹാജി കുഞ്ഞുമോഹമ്മദ് കോക്കൂർഎം വി. ബഷീർ , കെ ഹമീദ് മാസ്റ്റർ, പി ഐ മുജീബ് റഹ്മാൻ പിപിഎം അഷ്റഫ് എന്നിവർ സംസാരിച്ചു.