പഴുത്ത മാങ്ങയുടെ തൊലി തൊണ്ടയിൽ കുടുങ്ങി വയോധികൻ മരിച്ചു

കാസർ​ഗോഡ്: പഴുത്ത മാങ്ങയുടെ തൊലി തൊണ്ടയിൽ കുടുങ്ങി വയോധികൻ മരിച്ചു. മൊഗ്രാൽപുത്തൂർ ബള്ളൂർ ശാസ്തനഗർ ചിന്മയത്തിലെ കെ.പി. രാഘവൻ (76) ആണ് മരിച്ചത്. കാസർകോട് നഗരത്തിലെ വസ്ത്രക്കടയിലെ ടെയ്‌ലറാണ് വയോധികൻ. ബുധനാഴ്ച രാവിലെ ജോലിസ്ഥലത്തേക്ക് പോകുന്നതിനിടയിൽ വഴിയിൽനിന്നും പഴുത്ത മാങ്ങ കിട്ടി. ഇത് കഴിക്കുന്നതിനിടെ തൊലി തൊണ്ടയിൽ കുടുങ്ങി അവശനിലയിലാവുകയായിരുന്നു. ഉടൻ രാഘവനെ നാട്ടുകാർ കാസർ​ഗോഡ് ന​ഗരത്തിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ഭാര്യ: നിർമല. മക്കൾ: ഗണേഷ്, അവിനാശ്, അനിത, സരിത. മരുമക്കൾ: സൗമ്യ, മനോജ്, അജിത്.