ഓപ്പറേഷൻ സിന്ദൂർ ഐതിഹാസിക പോരാട്ടം; സൈന്യത്തിന്റെ കരുത്ത് ലോകം കണ്ടു: പ്രധാനമന്ത്രി

ഓപ്പറേഷൻ സിന്ദൂർ ഐതിഹാസിക പോരാട്ടമെന്നും ഇതിലൂടെ സൈന്യത്തിന്റെ കരുത്ത് ലോകം കണ്ടുവെന്നും പ്രധാനമന്ത്രി നരേന്ദ്രമോദി.ആദംപൂർ എയർബേസിൽ ഇന്ന് രാവിലെ നടത്തിയ പ്രസംഗത്തിലാണ് പ്രധാനമന്ത്രി ഇക്കാര്യം പറഞ്ഞത്. ഓപ്പറേഷൻ സിന്ദൂർ എന്ന പേര് ഇപ്പോൾ ലോകം മുഴുവൻ അലയടിക്കുകയാണെന്നും ഇന്ത്യയുടെ മിസൈലുകൾക്ക് മുന്നിൽ പാകിസ്താന്റെ ഉറക്കം നഷ്ടമായെന്നും പ്രധാനമന്ത്രി പറഞ്ഞു.“നമ്മുടെ എയർ ബെസുകൾ ആക്രമിക്കാൻ ശത്രുക്കൾ പല തവണ ശ്രമിച്ചു. എന്നാൽ ഓരോ തവണയും അവർ പരാജയപ്പെട്ടു. ഇന്ത്യയുടെ ഡ്രോണ്കൾക്കും മിസൈലുകൾക്കും മുന്നിൽ പാകിസ്ഥാനു ഉറക്കം നഷ്ടമായി. പാകിസ്ഥാൻ അല്ല നമ്മുടെ ലക്ഷ്യം. പോരാട്ടം ഭീകരർക്ക് എതിരെയാണ്. ഭീകരരെ അവരുടെ താവളത്തിൽ കയറി വധിച്ചു. ഒരിടവും ഭീകരർക്ക് സുരക്ഷിതം അല്ലാതായിമാറി. ഭീരകരുടെ 9 കേന്ദ്രങ്ങൾ തകർത്തു. ആണവ ബ്ലാക്ക് മെയിലിങ് വെച്ചു പൊറുപ്പിക്കില്ലെന്നും ഇനി ആക്രമിച്ചാൽ ശക്തമായി തിരിച്ചടിക്കുമെന്നും പ്രധാനമന്ത്രി കൂട്ടിച്ചേർത്തു.