എറണാകുളം പെരുമ്പാവൂരിൽ നിർത്തിയിട്ടിരുന്ന ലോറിക്ക് പിന്നിൽ ബൈക്ക് ഇടിച്ച് ചുമട്ടുതൊഴിലാളി മരിച്ചു. കിഴക്കമ്പലം പഴങ്ങനാട് പുള്ളിക്കൽ വീട്ടിൽ 42 വയസ്സുള്ള നിഖീഷ് ആണ് മരിച്ചത്.
ആലുവ മൂന്നാർ റോഡിൽ പെരുമ്പാവൂർ പള്ളിപ്പടിയിൽ ഇന്നു പുലർച്ചെ നാലു മണിയോടെ ആയിരുന്നു അപകടം. പെരുമ്പാവൂർ പച്ചക്കറി മാർക്കറ്റിലെ ചുമട്ടു തൊഴിലാളിയാണ് നിഖീഷ്.വീട്ടിൽ നിന്ന് രാവിലെ ജോലിക്കായി ബൈക്കിൽ വരുന്നതിനിടെ ആയിരുന്നു അപകടം. ഉടൻതന്നെ പെരുമ്പാവൂരിലെ ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു.
