എടപ്പാൾ ഉപജില്ല കലോത്സവം നവംബർ 4, 5, 6, 7 തീയ്യതികളിൽ മോഡേൺ ഹയർ സെക്കന്ററി സ്‌കൂളില്‍ നടക്കും

എടപ്പാൾ ഉപജില്ല കലോത്സവം നവംബർ 4, 5, 6, 7 തീയ്യതികളിൽ മോഡേൺ ഹയർ സെക്കന്ററി സ്‌കൂൾ പോട്ടൂരിൽ വെച്ച് നടക്കും.തിരൂർ വിദ്യാഭ്യാസ ജില്ലാ ഓഫീസർ – സാബു.പി.വി ഉദ്ഘാടനം ചെയ്യും.എടപ്പാൾ ഉപജില്ലയിലെ തൊണ്ണൂറോളം സ്‌കൂളുകളിൽ നിന്നായി 5000-ത്തോളം മത്സരാർത്ഥികൾ പങ്കെടുക്കും.ആദ്യദിനത്തില്‍, വേദി -1 ൽ വെച്ച് ഭിന്നശേഷി വിദ്യാർഥികളുടെ കലാമേളയും നടക്കും.മത്സരാർത്ഥികൾക്കും,അദ്ധ്യാപകർക്കും,സംഘാടകർക്കും, മികച്ച ഉച്ചഭക്ഷണം അടക്കം എല്ലാവിധ സൗകര്യങ്ങളും ഒരുക്കിയെന്ന് സംഘാടകര്‍ വാര്‍ത്താസമ്മേളനത്തില്‍ അറിയിച്ചു.10 വേദികളിലായാണ് മത്സരങ്ങൾ നടക്കുന്നത്.ആദ്യമായാണ് മോഡേണ്‍ ഹയര്‍ സെക്കണ്ടറി സ്‌കൂളിൽ വെച്ച് എടപ്പാള്‍ ഉപജില്ലാ കലാമേള നടക്കുന്നത്.ഉപജില്ലാ ശാസ്ത്രമേള ഈ ക്യാമ്പസിൽ വെച്ച് നടന്നിരുന്നു.സുരക്ഷക്കായി പൊന്നാനി പോലീസിന്റെ നേതൃത്വത്തിൽ വിപുലമായ ക്രമീകരണങ്ങളും സ്കൂളില്‍ ഒരുക്കിയിട്ടുണ്ടെന്ന് സംഘാടകര്‍ അറിയിച്ചു.പോലീസ് എയ്‌ഡ് പോസ്റ്റ്,മഫ്ട്ടിയിൽ പോലീസ് നിരീക്ഷണം,പോലീസ് പട്രോളിംഗ്,ക്യാമ്പസില്‍ CCTV നിരീക്ഷണം,പരിശീലനം നേടിയ ട്രോമാകെയർ, സിവിൽ ഡിഫൻസ് സേവനം,ഗ്രീൻ പ്രോട്ടോക്കോൾ പാലിക്കാനുള്ള സംവിധാനങ്ങള്‍ അടക്കം സജ്ജമാക്കിയിട്ടുണ്ടെന്നും സംഘാടകര്‍ അറീയിച്ചു.