ചെസ്സ് ചാമ്പ്യൻഷിപ്പ് മുന്നേറ്റം തുടർന്ന് പന്താവൂർ ഇർശാദ് ഇംഗ്ലീഷ് സ്കൂൾ

ചങ്ങരംകുളം:തിരൂർ ബെഞ്ച്മാർക്ക് ഇന്റർനാഷണൽ സ്കൂളിൽ വച്ച് നടന്ന ഇന്റർ സ്കൂൾ ചെസ്സ് ചാമ്പ്യൻഷിപ്പിൽ പന്താവൂർ ഇർശാദ് ഇംഗ്ലീഷ് സ്കൂൾ ഓവറോൾ ചാമ്പ്യന്മാരായി. വിവിധ ജില്ല, സംസ്ഥാന ചെസ്സ് ചാമ്പ്യൻഷിപ്പുകളിൽ ഈ അധ്യയന വർഷത്തിൽ നാലാം തവണയാണ് പന്താവൂർ ഇർശാദ് ഇംഗ്ലീഷ് സ്കൂൾ കിരീടം നേടുന്നത്.അണ്ടർ 8 വിഭാഗത്തിൽ സ്വരസുഹാസ് രണ്ടാം സ്ഥാനവും അദ്രിനാഥ് ,ദുആ തുടങ്ങിയവർ മൂന്നാം സ്ഥാനവും നേടി.അണ്ടർ 13 വിഭാഗത്തിൽ മുഹമ്മദ് നജാഹ്, മിൻഹ ടി വി എന്നിവർ ഒന്നാം സ്ഥാനവും ഫാത്തിമത്ത് സഹ്‌റ ബത്തൂൽ രണ്ടാം സ്ഥാനവും നേടി.അണ്ടർ 16 കാറ്റഗറിയിൽ ഫാത്തിമ സുനൈന സി രണ്ടാം സ്ഥാനവും ആമിന മിൻഹ എൻ മൂന്നാം സ്ഥാനവും നേടി.ചരിത്ര വിജയം സമ്മാനിച്ച ചെസ്സ് പ്രതിഭകളെ ഇർശാദ് മാനേജ്മെന്റ്, സ്റ്റാഫ് കൗൺസിൽ അഭിനന്ദിച്ചു.