പൊളിച്ച റോഡുകളിലെ കുഴികളിലെ അപകടാവസ്ഥ ഉടനെ പരിഹരിക്കണം:യുഡിഎഫ് മെമ്പർമാർ നിവേദനം നൽകി

ചങ്ങരംകുളം:നന്നംമുക്ക് പഞ്ചായത്തിലെ ഗ്രാമീണ റോഡുകൾ ഗ്യാസ് പൈപ്പ് ലൈൻ വലിക്കുന്നതിനും,ജലജീവന്‍ പദ്ധതിയുടെ പൈപ്പിടുന്നതിനും വേണ്ടി പൊളിക്കുകയും, പൊളിച്ച ഭാഗങ്ങൾ മണ്ണിട്ട് മൂടുകയും ചെയ്തത് അപകടം സൃഷ്ടിക്കുന്നതില്‍ പരിഹാരം കാണണമെന്ന് നന്നംമുക്ക് പഞ്ചായത്ത് യുഡിഎഫ് മെമ്പര്‍മാര്‍ ആവശ്യപ്പെട്ടു.മണ്ണിട്ടു മൂടിയ ഭാഗങ്ങളിൽ വലിയ കുഴികൾ ഉണ്ടാക്കുകയും വഴിയാത്രക്കാർ ഈ കുഴികളിൽ വീണ് അപകടം സംഭവിക്കുന്നതും പതിവായിട്ടുണ്ട്.കഴിഞ്ഞ ദിവസം നടന്ന മരണകാരണവും റോഡിലെ അശാസ്ത്രീയമായ നിർമ്മാണ പ്രവർത്തനങ്ങളാണ്.എത്രയും പെട്ടെന്ന് റോഡിലെ അപകടാവസ്ഥ പരിഹരിക്കണമെന്നും, ഗ്യാസ് ലൈൻ പ്രവർത്തി മൂലം ഉണ്ടായ കുഴികൾ അടിയന്തരമായി ശരിയാക്കി പൊതുജനങ്ങളുടെ ജീവന് സംരക്ഷണം നൽകണമെന്നും ആവശ്യപ്പെട്ട് യുഡിഎഫ് മെമ്പർമാർ ഗ്യാസ് നിർമ്മാണ ചുമതലയുള്ള ഉദ്യോഗസ്ഥർക്ക് നിവേദനം സമർപ്പിച്ചു.എത്രയും പെട്ടന്ന് തന്നെ ഈ പ്രശ്നം പരിഹരിക്കാമെന്ന് ഉദ്യോഗസ്ഥർ ഉറപ്പ് നൽകിയതായി മെമ്പര്‍മാര്‍ പറഞ്ഞു