കാക്കനാട് ജില്ലാ ജയിലില് മോഷണക്കേസ് പ്രതികള് അസിസ്റ്റന്റ് പ്രിസണ് ഓഫിസറെ ആക്രമിച്ച് കൈ തല്ലിയൊടിച്ചു. അസിസ്റ്റന്റ് പ്രിസണ് ഓഫിസര് അഖില് മോഹനന്റെ കൈയാണ് പ്രതികള് തല്ലിയൊടിച്ചത്. മോഷണക്കേസിൽ പിടിയിലായ അഖിൽ, അജിത് എന്നിവരാണ് ജയിലില് ആക്രമണം അഴിച്ചു വിട്ടത്.
പ്രതികൾ ബഹളംവച്ചതു ചോദ്യം ചെയ്തതിന് അഖിലും അജിത്തും അസി. പ്രിസൺ ഓഫിസറെ ആക്രമിക്കുകയായിരുന്നു. ഇരുവരും അമ്പലമുകൾ പൊലീസ് സ്റ്റേഷൻ ആക്രമണ കേസിലെ പ്രതികളാണ്. പരുക്കേറ്റ അസി. പ്രിസൺ ഓഫിസർ അഖിൽ മോഹനനെ കളമശ്ശേരി മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. കാക്കനാട് ജില്ലാ ജയിലിൽ മുമ്പും അധികൃതരെ തടവു പുള്ളികൾ ആക്രമിച്ചിട്ടുണ്ട്
