ചൊവ്വന്നൂരിൽ ക്രെയിനിൽ സ്കൂട്ടർ ഇടിച്ച് വെള്ളറക്കാട് സ്വദേശിയായ സ്കൂട്ടർ യാത്രികന് ഗുരുതര പരിക്ക്

കുന്നംകുളം: ചൊവ്വന്നൂരിൽ ക്രയിനിൽ സ്കൂട്ടർ ഇടിച്ച് അപകടം അപകടത്തിൽ സ്കൂട്ടർ യാത്രികന് ഗുരുതര പരിക്ക്. വെള്ളറക്കാട് സ്വദേശി 45 വയസ്സുള്ള സിറാജിനാണ് പരിക്കേറ്റത്. നാലരയോടെയാണ് അപകടമുണ്ടായത്. സിറ്റി ഗ്യാസ് ലൈൻ പദ്ധതിയുടെ പ്രവർത്തികൾ നടക്കുന്ന പറമ്പിൽ നിന്ന് അശ്രദ്ധമായി റോഡിലേക്ക് കയറിയ ഭീമൻ ക്രൈനിൽ കുത്തനെയുള്ള തിരിവ് തിരിഞ്ഞെത്തിയ സ്കൂട്ടർ ഇടിക്കുകയായിരുന്നു വെന്ന് ദൃക്സാക്ഷികൾ പറഞ്ഞു. ഇടിയുടെ ആഘാതത്തിൽ തലയ്ക്ക് ഗുരുതരമായി പരിക്കേറ്റ സ്കൂട്ടർ യാത്രികനെ നാട്ടുകാരുടെ നേതൃത്വത്തിൽ കുന്നംകുളം മലങ്കര ആശുപത്രിയിൽ പ്രവേശിപ്പിച്ചു. പരിക്ക് ഗുരുതരമായതിനെ തുടർന്ന് സ്കൂട്ടർ യാത്രികൻ തീവ്ര പരിചരണ വിഭാഗത്തിലാണ്. അപകടത്തിൽ സ്കൂട്ടറിനും കേടുപാടുകൾ സംഭവിച്ചു. കുത്തനെയുള്ള തിരിവ് ശ്രദ്ധിക്കാതെ അശ്രദ്ധമായി റോഡിലേക്ക് ക്രെയിൻ പ്രവേശിപ്പിച്ചതാണ് അപകടത്തിന് കാരണമായതെന്ന് നാട്ടുകാർ ആരോപിച്ചു. അപകടത്തിൽ സ്കൂട്ടറിനും കേടുപാടുകൾ സംഭവിച്ചു. കുന്നംകുളം പോലീസ് മേൽ നടപടികൾ സ്വീകരിച്ചു.