സാഹിത്യോത്സവുകള്‍ സാഹോദര്യം നിറക്കുന്നു ; പ്രൊ. വി ജെ വിൻസെന്റ്

ചങ്ങരംകുളം :മനുഷ്യത്വം മറയുന്ന കാലത്ത്, സർവ്വരിലും സാഹോദര്യം നിറക്കുന്ന സാഹിത്യോത്സവുകൾ രാജ്യവ്യാപകമാവുന്നത് ശുഭപ്രതീക്ഷയാണെന്ന് പ്രസിദ്ധ മാധ്യമപ്രവർത്തകൻ പ്രൊഫ. പി. ജെ വിൻസൻ്റ് അഭിപ്രായപ്പെട്ടു .ചങ്ങരംകുളം സംസ്ഥാന പാതയോരത്ത്
32-മത് എസ് എസ് എഫ് എടപ്പാൾ ഡിവിഷൻ സാഹിത്യോത്സവിൽ മുഖ്യാതിഥിയായി സംസാരിക്കുകയാരുന്നു അദ്ദേഹം. കേരള മുസ്‌ലിം ജമാഅത്ത് സംസ്ഥാന കൗൺസിലർ സിദ്ദീഖ് മൗലവി അയിലക്കാട് പതാക ഉയർത്തി. സി വി അബ്ദുൽജലീൽ അഹ്സനി പ്രാർത്ഥന നിർവഹിച്ചു.എസ് വൈ എസ് സംസ്ഥാന വൈസ് പ്രസിഡണ്ട് കുഞ്ഞുമുഹമ്മദ് സഖാഫി പറവൂർ ഉദ്ഘാടനം ചെയ്തു. ഡിവിഷൻ പ്രസിഡണ്ട് അബ്ദുൽ ഹയ്യ് അഹ്സനി അധ്യക്ഷത വഹിച്ചു. സംസ്ഥാന സെക്രട്ടറി സി എം സ്വാബിർ സഖാഫി സാഹിത്യ ഭാഷണം നടത്തി. വാരിയത്ത് മുഹമ്മദലി, അബ്ദുസ്സലാം സഅദി , അഷ്റഫ് സഖാഫി മുതകാട്, സി വി ഹംസ ദാരിമി, പി പി മുഹമ്മദ് ഹാജി, സുഹൈൽ കാളാച്ചാൽ പ്രസംഗിച്ചു.
ഉവൈസ് തണ്ടിലം സ്വാഗതവും ഹാഷിർ അഹ്സനി നന്ദിയും പറഞ്ഞു. ഡിവിഷൻ പരിധിയിലെ ആറു സെക്ടറുകളിൽ നിന്ന് 500 ൽ അധികം മത്സരാർത്ഥികൾ വിവിധ ഇനങ്ങളിൽ പങ്കെടുക്കും.