മാറഞ്ചേരി ഗവൺമെൻറ് ഹയർ സെക്കൻഡറി സ്കൂളിലെ പ്രഥമ എസ്എസ്എൽസി ബാച്ച് അവാർഡ് ദാനവും അനുമോദനവും സംഘടിപ്പിച്ചു

മാറഞ്ചേരി ഗവൺമെൻറ് ഹയർ സെക്കൻഡറി സ്കൂളിലെ പ്രഥമ എസ്എസ്എൽസി (1977)ബാച്ചിന്റെ
നേതൃത്വത്തിൽ എസ്എസ്എല്‍സി,പ്ളസ്ടു പരീക്ഷകളിൽ ഉന്നതവിജയം കൈവരിച്ച വിദ്യാർത്ഥികളെ അവാർഡുകൾ നൽകി ആദരിക്കലും പൂർവ്വ വിദ്യാർത്ഥി സംഗമവും സംഘടിപ്പിച്ചു.ഹൈസ്കൂൾ ഓഡിറ്റോറിയത്തിൽ നടന്ന അനുമോദന സമ്മേളനം ജില്ലാ പഞ്ചായത്ത് മെമ്പർ എകെ സുബൈർ ഉദ്ഘാടനം ചെയ്തു.എസ്എസ്എല്‍സി പ്രഥമ ബാച്ച് ലീഡർ പി. അബ്ദുല്ലത്തീഫ് സുല്ലമി അദ്ധ്യക്ഷത വഹിച്ചു.വിശിഷ്ടാതിഥികളായി പിടിഎ പ്രസിഡണ്ട് ബഷീർ ഒറ്റകത്ത്, ഹയർ സെക്കൻഡറി പ്രിൻസിപ്പൽ ഡോ- ലൗലി, ഹെഡ്മിസ്ട്രസ് സരശ്വതി ടീച്ചർ എന്നിവർ അവാർഡുകൾ വിതരണം ചെയ്ത് പ്രസംഗിച്ചു. മുൻ പിടിഎ പ്രസിഡണ്ട് പ്രസാദ് ചക്കാലക്കൽ, വികസന സമിതി കൺവീനർ ഇബ്രാഹീം മാസ്റ്റർ, അലുംനി കൺവീനർ എ അബ്ദുല്ലത്തീഫ് എന്നിവർ അനുമോദന പ്രസംഗം നിർവ്വഹിച്ചു.അവാർഡുകൾ ഏറ്റുവാങ്ങിയ വിദ്യാർത്ഥികൾ മറുപടി പ്രസംഗം നടത്തി.സംഘാടക സമിതിയിൽ നിന്നും അലി ടി, അൻവർ സിഎം , ഷംസു കാഞ്ഞുറളയിൽ,ഷൺമുഖൻ,മോഹനൻ സൈനബ, സൗദാബി, വി കെ സുഹറ എന്നിവർ ആശംസകൾ നേർന്നു.നേരത്തെ പി കെ എം ബഷീർ സ്വാഗതം ആശംസിച്ച യോഗത്തിന് സരോജിനി ബാലൻ നന്ദി പ്രകാശിപ്പിച്ചു.